الليل طويل اسود
والبحر واسع
متقدرش تشوفه من الظلام
خلانى الهدوء انام واحلم
يااااااااااه حلم جميل
حلمت ان كل اللى حوليا خضرة
حدائق وازهار وفل وياسمين
وفراشات من مختلف الالوان
وطيور وعصافير بتغرد
وفواكه كتيرة فوق الشجر
ناس مبسوطة مش زعلانه
فرحانة مش مهمومة وملانه
حتى تفكيرها كله فى الخير مش فى الشر
واطفال بريئة بتلعب بنشاط
حياة جميله كلها ضحك وابتسامات
يااااااااااااااااه الحب مالى الجو
الكل بيحب بعض ومحدش بيضحك على التانى
حبايب صريحين مع بعض
وعشاق فى كل مكان
حب بجد حب حقيقى
مش مجرد كلام من غير افعال
لا لا حب بفعل بخوف وامل
حب بامنية وبتضحية وبتغيير للاحسن
حب يتمناه اى انسان
ياااااااااااااااه بس خسارة
صحانى صوت الموج
صحيت على واقع مظلم
كل شئ اسود مافيش غير لون الموج على الشاطئ
دا الشئ الوحيد اللى بينور المكان
ياااااااااااااهحسسنى بان العالم كله مليان سواد وشر
وان الخير هو لون الموج على الشاطئ
بينور الحياة ويضيئها بنوره
بس خسارة لان الموج مش كتير بالعكس قليل
وكأن الشر كتير والخير قليل
خسارة انى فوقت من الحلم
فوقت على حاجة مش حباها
كان حلم جميل وحياة مرة
يا خسارة ......ما اتعسى !
اتمنى انى اعرف رائيكم ايه ؟
الأحد 2 أغسطس 2009 - 0:18
