عضوه جديده

صباح الخير بقى على كل الاعضاء :)
اسمي نــادرة
عمري 18
لسه خارجه من ثانويه عامه
المهم انا كنت بصراحه علمي علوم و لو اعرف اني هادخل اثار كنت حولت ادبي بقى xD
ما علينا , دلوقتي انا جاتلي اثار قنا جنوب الوادي و عملت تقليل اغتراب و لسه النتيجه ظاهره امبارح " كفاره"
بقيت في القــاهره الحمد لله :)
دلوقتي عايزه حد يديني معلومات بقى و ارشادات :)
و انا مبسوطه اني بقيت هنا :)

ميرسي جدا :)
انا اهو هاحط رجلي على اول الخط , انا عايزه اعرف
انهي احسن , اثار مصريه و لا ترميم اثار , مع العلم اني مش فنانه في الرسم و الحق يتقال
و حاجه كمان عايزه اسأل عليها التدريبات الميدانيه , ممكن مثلا تيقى عامله ازاي , انا متحمسه اعرف
و شكرا ليك كتير على مساعدتك :)

ان شاء الله تكون بداية موفقة

بس مينفعش تسألي اثار مصرية افضل ولا ترميم لأن الإجابة ممكن تكون ان اثار اسلامية افضل .... زي مثلا اما تسألي طب احسن ولا هندسة مع اختلاف الفارق

ومعني كلامي ان كل الأقسام زي بعض ...وبتختلف انها كويسة ام لأ نسبيا طبقاً للشخص وميوله

بس هوضحلك حاجات تساعدك على الاختيار

يعني المقام الاول ميول حضرتك انتي شايفة نفسك في انهي مجال تقدري تدرسيه وتشغلي فيه

فمثلا الاثار المصرية بتدرسي التاريخ الفرعوني والعمارة والديانة ولغات مصرية قديمة وبتروحي زيارات ميدانية لأماكن الاثار المصرية القديمة واما بتتخرجي ممكن تشتغلي مفتشة اثار في الوزارة او تعملي دبلومة ارشاد سياحي وتبقي مرشدة

وبالنسبة للاثار الاسلامية نفس الموضوع بس باختلاف موضوع الدراسة من اثار مصرية قديمة لاثار الاسمية

اما ترميم الآثار فمجاله مختلف شوية ومش شرط تكوني فنانة اهم حاجة يكون عندك الحس الفني والجمالي وتحسي بالاشياء وببتدرسي المواد المختلفة اللي بيتصنع منها الاثار بالاضافة الي الرسم المعماري والزخرفي وكمان مواد علمية زي الكيميا والفيزيا الي بتخص مواد الاثر وبيبقي فيه عملي عليه تلت الدرجة بتاعت المادة .. ومجال شغل متشعب يعني ممكن تشتغلي في الوزارة برضو او في اي شركة مقاولات شغالة في الترميم او ممكن تتخصي في اي حاجة مختلفة عن الترميم شوية زي مثلا المساحة



علشان كده حضرتك بس اللي هتقدري تحددي انهي افضل ليكي لأنك اكتر حد عارف مجال اهتمامتك وطموحك هيبقي في انهي مجال اكتر

والتدريبات الميدانية دي تخص قسم ترميم والمقصود بها انك ممكن تدربي في اي مشروع ترميم تبع شركة مقاولات بس دي مش الكلية اللي بتقوم بيه انتي اللي بدوري ع شركة شغالة وتروحي تدربي معاها وفي برضو حفائر تبع الكلية ممكن يشترك فيها اي قسم وبتبقي بفلوس وبتسافري كام يوم مع عبثة حفائر من الجامعة

وفي زيارات ميدانية لكل قسم وتختلف من قسم لأخر لمواقع اثار تخص دراسة القسم ولترميم لاماكن اجريت لها اعمال ترميم من قبل او اماكن تحتاج الي ترميم حاليا

وان شاء الله تفضلي متحمسة كتير اثناء الدراسة لأن الحماس ده هيديكي دافع قوي للاستمرار والتفوق بإذن الله

واتمني اني اكون قدرت افيد حضرتك .. وانا تحت امرك في اي استفسار اخر في اي وقت

بصراحه مش عارفه اشكر حضرتك ازاي :)
هي عامة مليش ميول في اي حاجه ,لأن انا للأسف ميولي بيولوجي , فمن الواضح انها هترسي على اثار مصرية
و ربنا بستر
و اشكرك جدا على مساعدتك :))

انا بردوا محول من جنوب الوادى ومش عارف اعمل ايه والمواد ملعبكه
1.مواد الترميم الدكاتره لخبطونا مش عارف ايه مع مين والشرح بتاع دا دخل فى دا وحاجه تلخبط
2. د/ النبراوى فاكرنا خبراء تاريخ بيتكلم بسرعه لابنلحق نكتب ولا هو مدينا الكتاب عشان نحفظ منه
3.د/ الكحلاوى ((حبيب قلبى)) شرح اول 3 محاضرات كويس وبعدين لقيناه بعد كده بيكروت ومش بيدينا معلومات كافيه عن المسقط ولا حتى بيرسمه بنفسه فنشوف طريقة رسسمه ازاى بس هو يفرجنا على الصور وهو بيتكلم زى الصاروخ وفى الاخر نخرج محناش فاكرين هو قال ايه
4.د/نهى بتشرح جرامر دى ولا بتفك طلاسم مش بفهم حاجه ولما حد بتاع انجليوى يشرحه ليا اقيه كلام تافه جداااااااااااااااااااااااااااااااا
5.د/ انور سليم ودا بقى احسن حاجه حصلت ليا فى الكليه دى مدينا كتاب (عشرتلاف) واقرئها زى ما انا كتبها عشرتلاف صفحه ويقولنا سيبكوا منه ويدينا يجى 3 اسر فى محاضرة واحدة واحنا عمالين نكتب وراه بس الصراحه هو مش بقصر عامل الى عليه وزياده وبيعد كل ما نقول له ودى تعتبر المادة الوحيدة الى انا مذاكرها
والحمد لله
وياريت حد جدع كدا يقولى فهرس او فصول كل ماده عشان اعرف انظم وقتى واذاكر و ملاقيش المواد فجأه كبيرة وطويله وفاضل على المتحان شهرين يعنى مفيش وقت كدا حراااام
و بالمره اعرف الفصول السهلة اذاكرها او احضر للفصول الصعبه بدل انا ما بروح زى الى فى رجلى عشان اسمع كلام مش عندى فكره ناحيته



وبالنسبه للتقارير اعمل فيها ايه مش عارف اشوف ولا مرجع من الناس الى هتروح المكتبه فى يوم الاجازه زى حالاتى

دا ايميلى m_maro6@yahoo.com