سؤال ايه الفرق بين اداب اثار وكلية اثار

ايه الفرق بين اداب اثار وكلية اثار وهل هتفرق فى الشغل

اعتقد ان الفرق ف ان كلية الاثار متخصصه اكتر والدكاترة عندنا اغلبهم من اداب بس عاملين دراسات كتيرة ف مجال الاثار وعندهم خبرة كبيرة دا غير ان عندنا قسم ترميم

اما بالنسبة للشغل فدا صعب ان الواحد يحدد انهى الاحسن لان دلوقتى مبقاش فى شغل اصلا

ربنا يطمنك يا علا يارب
ريحتيني بصراحه
هههههههههههه

ده مين اللى قال ان الدكاترة اغلبهم من اداب .. دول كام واحد بس اللى هما قداااااام اوى .. اللى درسوا قبل مايبقى فى كلية اثار اصلا .. معظم الدكاترة حاليا ان لم يكن كلهم من الكلية نفسها

انا بس ليه وجهة نظر فى السؤال ده .. اولا كلية الاثار من ضمن كليات القمة .. لكن كلية اداب لا .. ثانيا كلية الاثار متخصصة فى الاثار لكن كلية اداب ليها فروع كتيييييييير جدا منها قسم تاريخ اللى منه اثار ...غير كده ان المواد الدراسية بتختلف كتير جدا وان كانت متشابهه فى العنوان .. اما بالنسبة لقسم ترميم فهو يعتبر مش فى كلية اداب لانهم يعتبر مش بيدرسوا اى حاجة فيه ده لو هو عندهم اصلا .. اما من ناحية الشغل فأكيد طبعا بدون اى نقاش ان لما بتيجى تقدم فى الهيئة بيكون الأولوية لكيه اثار ولو فضل مكان بيخدوا من اداب .. يعنى لا فى الدراسة ولا فى الشغل فى مجال للمقارنة اصلا

انا متفق معاك ان كليه الاداب مش من كليات القمه , ولكن قسم الاثار مستقل بذاته عن قسم التاريخ وكليه الاداب فيها قسم الاثار المصريه وقسم الاثار الاسلاميه وقسم الترميم والدراسه واحده والفرق هو الامكانيات اما الشغل فالكل سواء من طب لخدمه اجتماعيه ..