جداول محاضرات العام الجديد 2011-2012 جميع الاقسام

جزاك الله كل خير

تسلم ايدك ع الموضوع

حقيقي انت عظيم

وهو الجدول ده هبتدى من الاحد الجاى 2 اكتوبر

فى الاغلب يا ماريو الاسبوع الاول مش بيكون فيه محاضرات بس يوم الاحد فيه للدفعه الجديدة حفله استقبال لتعريف بالكلية وهتكون أن شاء الله فى مدرج ابو بكر الساعه 10 ص

السلام عليكم ورحمة الله وبركاته
بتاسف للازعاج لانى سمحت لنفسى ابقى ضمن اسرة كلية الاثار وانا خريجة فنون تطبيقية
ولكن بعد اذنكم عايزة اعرف كل شىء عن كلية الاثار لان بنت اخي حباها جدا جدا جدا وبتحب التاريخ لاقصى درجة وكانت بلغتنى انها عايزة تعرف كل شىء عنها ..
هل الكلية ليها اختبارات قدرات والا لا ؟
الكلية كام سنة ؟
نبذة بسيطة عن اقسامها ؟
عدد المواد فى كل تيرم تقريبا ؟
وهل الكلية بتعتمد فى الغالب على الفهم والا الحفظ ؟
مجالات العمل عند التخرج ؟
ولو فى اى حاجة انا مطلبتش الاستفسار عنها بتمنى حضرتكم تذكروها لانى اكيد مش هاخد المعلومة الصح الا من اصحابها ..
وبتأسف طولت عليكم

انا كنت عاوز اعرف ايه الارقام اللى فى الجدول ده دى المواعيد ولا ايه

لا لا اهلا وسهلا بحضرتك فى المنتدى والمنتدى بيرحب بوجودك معانا
وللأجابة على سؤال حضرتك بأختصار شديد
- الكلية ملهاش اختبارات قدرات خالص علشان الدخول ليها بس قسم ترميم هو اللى ليه اختبار قدرات لما بيبدا تقسيم الاقسام
- الكلية اساسا 3 اقسام "مصرى" وبيدرس التاريخ والاثار المصرى القديم واليونانى الرومانى - "اسلامى" وبيدرس التاريخ والاثار الاسلامية والقبطية - "ترميم" وبيدرس ترميم الاثار وبيتقسم لترميم اثار عضوية وترميم اثار غير عضوية ومعمارى وبيدرس داخل ترميم شوية رسم معمارى ومساحة وشوية كيمياء وفزياء وحشرات كمواد مساعدة وده بيبقى فيه مواد عملى كتير كل ترم ومدة الدراسة فى كل الاقسام 4 سنين بس
- المواد اللى فى كل ترم على حسب الترم وعلى حسب القسم
- وحكاية اعتماد الكلية على الحفظ او الفهم برضه على حسب القسم وعلى حسب نوع المادة نفسها يعنى مواد بتحتاج لفهم ومواد بتحتاج لحفظ
- هو مجالات العمل بعد التخرج للاسف مش كتيرة علشان مفيش اهتمام بالاثار فى الوقت ده بس فيه دولقتى تعيين شوية لدفعات فى المجلس الاعلى للاثار وبيبقى تقسيم الوظايف قسم مصرى واسلاممى "مفتشين اثار" وترميم
"اخصائى ترميم اثار "
-الدراسة داخل الكلية مش صعبه خالص وبسيطة جدا
- ونمتنى اننا نكون شرحنا ليكى نظام الكلية بشكل بسيط
ونمنى مشاركاتك معانا ان شاء الله فى اى وقت

شكرا lorenzo_khaled
على الرد وشرحك بسيط ومفهوم وربنا يوفقكم جميعا

بصى يا قمر ه جروب (أ) من حرف (ا.... س) وجروب(ب) من (ش...... ى)
انا فى تالتة مصرى ونفسى اعرف الدراسة هتبدأ امتى بقى؟؟؟؟!!!!!!!!!!

بالنسبة يا Mmo0o0n للمجموعه بتاعتك تسألى فيها شئون الطلبة فى الكلية ان شاء اول الدراسة ودى حاجه سهله جدا
ومرحبا بيكى فى الكلية وع المنتدى

ياpatotboky فيه لسه اضرابات واعتصامات فى الكلية لرحيل العميدة "د.عزة فاروق" بس فيه اخبار عندنا فى رابعه ترميم ان الدراسة هتبدأ من الاسبوع اللى جاى ان شاء الله فتقريبا بالنسبة لقسم مصرى والكلية كلها احتمال كبير تكون الاسبوع القادم ان شاء الله

مرسي جدا يا جماعة

ان شاء الله هروح شؤون الطلبة وهسئل

ربنا يوفقنا جميعا....

شكرا جداااا

يعطيك الصحة

الف شكر يا محمد
بس لو سمحت الموقع بقى شكله غريب اووووووووووووى يا ريت تحديثه يكون بسرعه