مين الاسعد البنت ولا الولد ؟؟؟؟؟؟؟؟؟

أيهما أسعد البنت ولا الولد


البنت بتتكلم براحتها فى التليفون وأبوها أو جوزها هو اللى بيدفع الفاتورة فى الأخر


البنت مش ملزمة تجهز نفسها أبوها أو البيه (خطيبها) هم اللى هايدفعوا دم قلبهم


مفيش حد بيبص على بدلة العريس كله بيبص على فستان العروسة


لو واحدة عملت مخالفة وعيطت شوية للضابط هايعديلها لو راجل هاياخد على دماغه

لو واحدة ماأدتش قرايبها عيديه مش هايقولوا عليها بخيلة هايقولوا أصل العيب على جوزها


لو واحدة أتأخرت على المحاضرة ممكن الدكاترة يدخلوها لو ولد هايقولوا روح يابابا كمل نوم بره فى الشمس
لو حصل زعل بين البنت وباباها مش هايطردها برة البيت ...وهى بس يادوب تعيط شوية وبابا هايروح يصالحها على طول .... أما الولد فيدوب يلحق مكان ينام فيه جنب البواب




دلع البنات :
ياختى كميلة ( سنتين)
ياعسولة ( 5 سنين )
ياعروسة ( 12 سنة)
ياقمر ( 18 سنة )
يا هانم ( 40 سنة)
يا أم العيال ( 50 سنة )
يا ست الكل ( 60 سنة)



دلع الولاد :
أنت ياد ( 10 سنين )
أنت ياشحط بقيت طول الباب ( 18 سنة)
يا راجل ( 40 سنة )
ياعم الحاج ( 50 سنة)
ياراجل يا عجوز مناخيرك أد الكوز ( 60 سنة)

اكيد كل الكلام اللى بتقولى صح
بس مش فى كل الحالات فى حالات استثناءات فى الحالتين
والسعادة مش مرتبطه بالدلع البنت او قهر الولد
لان فى بنات كتيرمدلعه بس مش سعيدة
ومتنسيش ان سبب خزن البنت ولد
يعنى مهماحصل بردوه بيقدر ينكد عليها

بصراحه توبيك زى العسل ولذيذ جدا تسلمى عليه

أما عن الاجابه انا فى رأى ان مافيش حد اسعد من حد لكن ممكن نقول ان الولد مسؤليته بتكون كبيره شويتين عن البنت فالبنت مهما تعبت فهى فى الاخر مسؤله من راجل لكن الولد دايما لازم يعتمد على نفسه