الصراحه

ايوة طبعا وفيه من الكلية وفيه من كليات تانية
ايه اكتر حاجة ممكن تنرفزك وتزعلك اوووووووي؟؟؟

هو فى كذا حاجه بس اهمهم الكدب طبعا

وحد يعلى صوته وهو بيتكلم معايا وان اهتم

بحد وهو ميهتمش بيا ...


وسؤالى :
و معجب بحد تروح وتقوله ولا قلبك ضعيف ؟



**** **** ****

صعب المنال

مش هقول بس مش حكاية قلب ضعيف بس انا بحتفظ باعجابي بحد لنفسي ومش بحب اقول
من الاصدقاء الذي تفضلهم اصدقاء الجامعة ام المدرسة؟؟؟؟

اصدقاء المدرسه طبعا دول اكتر من اخواتى ...

لكن اصدقاء الجامعه مجرد زملاء واصلا انا لحد دلوقتى

مش شفت حد فيهم يستاهل اكتر من كده غير قليل اوىىى ...


ايه رايك فى الكليه بصراحه ؟


**** **** ****

صعب المنال

واضح انكوا بتحبوا الكليه اوى ...





**** **** ****

ولا حد يهزنى

ههههههههههههه حلوه اللعبه دى ممكن العب معاكم .....
اوكى بما انكم وافقتو انى العب معاكم ..
انا هجاوب على سؤال طه بصراحه انا بحب الكليه بتاعتنا جدا بالرغم انى كنت مش بحبها اول مدخلتها بس لقيت ان الدراسه فيها لذيذه وشيقه
واجمل مافيها (البحث فى المكتيه عن المعلومات)الواحد بيحس ان له قيمه ...بس خلاص
سؤالى بقى :......اممممممم مش لاقيه سؤال محرج دلوقتى
ما علينا .......ههههه
نقول حاجه تانيه : (للشباب) ايه تعليقك على لبس البنات اليومين دول (اقصد الضيق والقصير وغيره ... )وياترى لو عندك بنت او اخت هترضى انها تلبس كده ولا اييييه؟

وانا اقول اللعبه نورت ليه اتارى سويت دخلت

معانا فيها ... اوك اجاوب انا ...

امممم اللبس ده اللى بتلبسه حوالى 98% من بنات اليومين دول

طبعا انا مش هعلق ولا اتكلم على القرف ده لانه مش محتاج حد يتكلم عليه ...

وانا لو عندى اخت او بنت طبعا مش هسيبها تلبس كده لان انا راجل الحمد لله

( محدشيزعل منى اللعبه دى اسمها الصراحه وده رايى ) ...


وسؤالى :

ايه اكتر صفه ممكن تشدك لشخص معين ؟؟؟؟


**** **** ****

ولا حد يهزنى

عندك حق والله بالرغم انى ما اتحجبتش الا وانا دخله الجامعه وغيرت طبعا طريقه لبسى بس بجد لبس الحجاب واللبس المعتدل جميل ومريح جدا ومش بيخلى البنت تحس انها ملفته وفعلا اهم واعظم قرار انا اخذته فى حياتى هو الحجاب
واجاوب على السؤال واقول ان اكتر صفه ممكن تشدنى لشخص هى الصراحه واللباقه فى الكلام مع شويه رومانسيه
وسؤالى
ايه اكتر صفه ممكن تخليك تاخد قرار البعد عن شخص سواء ولد اوبنت

منورانا يا موكا .. هو فى اكتر من حاجه ممكن

تخلينى ابعد عن شخص بس اهمهم الكدب طبعا

لان اللى بيكدب بيعمل كل حاجه ...


وسؤالى :

انت/انتى شايف الحب ازاى ؟


**** **** ****

ولا حد يهزنى

(الحب احلى عذاب ودموع ..الحب ليل وسهر وشموع ) هههههههه
لا لا نتكلم جد بقى .... اولا صح جدا اللى انت قولته (لان اللى بيكدب بيعمل كل حاجه ...) ثانيا: الاجابه

انا بالنسبه ليا ان الحب الحقيقى بيجى مره واحده فى العمر
الحب يعنى الوفاء للى بتحبه.. يعنى التسامح ..
يعنى انك متشوفش فى الدنيا غير اللى بتحبه ...يعنى ميهونش عليك تجرحه او تقسى عليه ...يعنى الصراحه والوضوح...وطبعا الروماااااااااااانسييييه ..
وبأمانه ..لو كنت جربته كنت قولتلك هو ايه..لان انا اصلا مش فاهمه حاجه من اللى انا قلتها

اه sorry نسيت السؤال
ايه مواصفات فتى /فتاة احلامك ؟

كل الكلام ده وبتقولى مش فاهمه ( شكلك سهنه

وهتتعبينى ) .. اجاوب بقى :

1- اول حاجه طبعا انها تكون محترمه وبتصلى وكده يعنى ..

2- نفسى الاقى حد يفهمنى حتى لو بشكل سطحى ( دى حاجه
مهمه اوى بالنسبه ليا حتى اكتر من انها تحبنى ) ..

3- تكون بتسمع الكلام عشان مش بحب حد يعاندنى ..

4- تكون حلوة ..

( هــــــــــــا عندك عروسه بقى هههههههه )


وسؤالى :

للبنات بقى ايه مواصفات فتى احلامك ؟


**** **** ****

ولا حد يهزنى

بس كده ..ماشى ياعم نجبلك عروسه بس يارب تعجبك ..ههههههه اوعى تصدق ولا حاجه دور بنفسك.. يا حلو انت يا حلو...
الاجابه: طبعا الصلاه والاحترام دى حاجه مش محتاجه كلام ... وإلا الكدب مهما كان....
انه يكون رجل بجد ..شديد بس حنين ورومانسى... ويقدرنى.. . واهم حاجه يكون بيحبنى ...بجنون ..ويكون جرئ ..مش بحب الشاب الخجول..بالنسبه للشكل طبعا يستحسن يكون وسيمااو متوسط الجمال ولو غير كده عادى يعنى ..ويكون مثقف او تفكيره اكبر من تفكيرى ...يعنى احس جنبه انى تلميذته والصرااااااااحه.. بس فصلولى واحد على مزاجى بقى هههههه
السؤال :هو فزوره :أمي جابت أمه، و
أخو زوجي يكون عمه..فمن يكون؟
فكروااااا....

ابن اختي صح ولا؟
نفسه؟

لا مش صح ..حاولى تانى
نفسه؟

فزورة حلوة يا سويت بس سهله خالص ...

والاجابه هى ( ابنى ) ...

وسؤالى:

بتحب البحر ؟


**** **** ****

ولا حد يهزنى

هههههههه ماشى ياعم الواثق انت صح
ايوه بحب البحر جدا
سؤالى : ما هي التجربة التي تتمنى تكرارها؟

التجربه اللى اتمنى تكرارها هى انى ارجع

ثانويه عامه واذاكر احسن وادخل الكليه اللى كنت عاوز

ادخلها ( طبعا دى كلها اوهام ) ...


وسؤالى :

لما تكون مضايق بتعمل ايه عشان تروق ؟


**** **** ****

ولا حد يهزنى

لو فى فرصه انى أخرج بروح البحر وبمجرد النظر ليه أعصابى بتبدأ تهدى
ولو مش كده بتكلم مع أقرب صديقه ليه فاأبدأ اروق نوعا ما


من أقرب شخص لقلبك ؟

على فكرة يا جوجو انا بحب البحر جدااا فوق ما تتخيلى ..

مش هقول شخص بس الاقرب لقلبى

هو الله سبحانه وتعالى ...


وسؤالى:

انت ممكن تموت عشان حبيبك ؟؟؟


**** **** ****

ولا حد يهزنى

مش عارفه ...بس ممكن لو حبيت يبقى ليا رأى تانى (اصل الموت ده حاجه صعبه جدا) لكن لو الحب اقوى يبقى ممكن ..
وادى سؤالى تانى اهو يا طه
هل الحب ضعف؟

لا بالعكس الحب بيقوي جداااا مش بيضعف
هل جربت الحب من طرف واحد؟؟؟؟

لاء الحمد لله مش وصلت للدرجه دى ..


وسؤالى :

ليه الحب مصدر الم لينا ؟


**** **** ****

ولا حد يهزنى

..لان الحب من غير الم ميبقاش له طعم... ولا يبقى حب اساسا
يعنى..عشان يكون الحب مصدر سعاده لازم يكون مصدر الم..
نفس السؤال؟
يمكن حد عنده رأى تانى ..

معلش ي سويت بس بلاش حكايه نفس

السؤال دى عشن بتموت اللعبه ونحط سؤال

جديد افضل ...


**** **** ****

ولا حد يهزنى

طيب انت محطتش سؤال جديد دلوقتى لييييه ...,,ما علينا هههههه
هقول : يعنى ايه الحب فى الله ؟

دايما اسالتك جميله يا سويت ..

الحب فى الله هو اجمل حب فى الوجود ، هو ان

تحب الشخص لذاته وليس لملذاته ، هو ان تعطى ولا

تنتظر ان تاخذ لان سعادتك فقط هى سعادة من احببت ، الحب فى

الله هو ان تشعر ان من تحب وكانه جزء منك ، هو حب يملئ الكيان ..

واجمل ما فيه انه حب لا يتبعه كره ابدااا وهو حب لا ينقص وانما يزيد

بمرور الايام والثوانى واللحظات ( من الاخر الحب فى الله لا تصفه اى كلمات )


وسؤالى :

كلنا عارفين ان فى صبيان كتيييير بيحبوا يتسلوا بالبنات

ويضيعوا وقت وكده ، لكن السؤال ( هو فى بنات بتحب تتسلى

بالرجاله ولو فيه يبقى ليه ؟؟؟ )



**** **** ****

ولا حد يهزنى

قليل لما تلاقي بنت تتسلي بولد
ولو عرفت ليه الولد بيتسلي بالبنت هتعرف ليه البنت بتتسلي بالولد ههههههه
نفسه؟؟؟؟؟؟؟؟؟؟

( من الاخر الحب فى الله لا تصفه اى كلمات )

من الاخر بجد انت سكررر ...عشان كان نفسى اعرف اجابة السؤال ده
ميرسى كتيييييير....تسلم ايدك
على فكره رايك يالميس صح ..فعلا قليل قوى ...ولو فى بيبقى البنات التافهه بس ومسيرهم هيقعوا فى شر اعمالهم
وسؤالى بقى : ايه هى اعراض الحب ؟

ميرسى يا سوسو ( بس اوعى اتعود على كده )

( اعراض الحب يا سهنه انتى )

1- تفرح جداااا لما تشوف حبيبك وتبقى مش عاوز تسيبه ابدا ..

2- تحاول تعمل كل شئ كويس عشان تبقى احسن واحد فى الدنيا

ادام حبيبك ( وتفضل تعمل الحاجه الكويسه دى طول عمرك )

3- تغير عليه من اى شئ فى الدنيا وتحس انه ملكك انت لوحدك ..

4- تحقق ليه اى شئ هو نفسه فيه حتى قبل ما يفكر فى الحاجه دى ..

5- تخاف عليه من الهوا ومن نفسه حتى وتبقى عاوز تشيله فى عينيك ..


( وحاجات تانيه كتيييييييييييييييييييير تتحس مش تتقال )

( الحاجات دى للى بيحب بجد مش لاى حد وده بالنسبه ليا ممكن يكون

فى حد ليه راى تانى )


وسؤالى :

انت مواليد برج ايه ؟


**** **** ****

ولا حد يهزنى

هههههه اوعى تفهمنى غلط
صح للى بيحب بجد ..انا معاك فى دى
الاجابه : برج القوس
نفس السؤال ؟

برج الحمل ..


وسؤالى :

ايه اكتر شئ ممكن يفرحك ؟


**** **** ****

ولا حد يهزنى

لما اوصل للى انا عايزاه .....
سؤالى : من انت ؟

بلاش انا اقول لما تعرفى انتى

لوحدك احسن ( اصلى حاسس انى معقد )


وسؤالى :

اكتر حاجه بنحبيها فى اصحابك ؟؟؟


**** **** ****

ولا حد يهزنى

لا لا لا مفيش حد معقد بيقول على نفسه كده على فكره
بعدين انا مش حاسه كده خالص انا بحس انك جد ومش تافه وعاقل كده ورومانسى انت بس متواضع يا طه
والاجابه : مفيش حاجه بكرها بس مفيش حاجه بحبها
سؤالى : تعمل ايه لو جوزوك غصب عنك؟ههههههه

ههههههههه غصب عنى لاء صعبه شويه دى

بس لو حصل يبقى اكيد هحاول احب مراتى عشان هى

مش ليها ذنب ده لو هى كويسه كده وطيبه غير كده فى تصرف تانى ..

بس بردو بقلك صعبه اوى يا سوسو انها تحصل فى الزمن ده سواء للرجاله او للبنات ..


وسؤالى :

عملت ايه اول يوم العيد ؟؟؟؟


**** **** ****

ولا حد يهزنى

كالعاده قعدت فى البيت يعنى هعمل ايه
بس اصلا الخروج اول يوم مستحيييييييييييييييييييييييل من الزحمه
سؤالى:
لو خيروك بين حبيبك وبين اعز صديق فمن تختار ؟

هختار اعز صديق لان الصديق ابقي من الحبيب والصديق العزيز لا يمكن تعويضه ابدااا
نفسه؟؟؟

هختار الحبيب
لان الحبيب ممكن يغنيك عن اى صديق لانه بيبقى (حبيب وصديق واخ/اخت واب وام يعنى كل حاجه ليك) لما تحب تحس بالصداقه ممكن تحسها معاه
انما الصديق مش ممكن يبقى حبيب ...يعنى لم تبقى عايز تحس بالحب مش هتقدر تحسه معاه ..... ياريت تكونى فهمتى وجهة نظرى ...لو حد شايف ان رأيى غلط ياريت يقولى .
سؤالى:
ايه أجمل حاجه حبيتها فـي المنتدى ؟

اكتر حاجه حبتها فى المنتدا هى ان الكل هنا محترام ومتفهم

اما سؤالى مين اكتر شخص جزابك اسلوبه فى الكلام هنا فى المنتددا

##################
الاحساس شئ جميل

طبعا هقول بالنسبه للى اتعاملت معاهم
بيعجبنى اسلوب طه ..مقنع ...
والاعضاء كلهم اسلوبهم جميل ...واجمل حاجه ان محدش بيزعل من الهزار
سؤالى للشباب:
-هل تتزوج من تحبها .. ام تحب من تتزوجها !! وايهما تراه اجمل ؟؟

ميرسى ميرسى ميرسى ليكى يا سوسو بجد ..

وبس بقى لحسن انا كده اتغر لما قمر زيك انتى يقول

عليا كده ...



دايما ليكى اسئله صعبه يا سوسو .. هو اى حد ملوش تجارب

عاطفيه هيقولك اتجوز اللى احبها وانا كان رايى كده لحد فترة قريبه

قوى .. بس الصح انك تحب اللى تتجوزها وده اجمل بكتييييير ..



وسؤالى :

لو حد وقفك فى الشارع وقالك انه بيحبك وعاوز يرتبط

بيكى هيكون رد فعلك ايه ؟؟؟



**** **** ****

ولا حد يهزنى

ههههههه....بيتهيألى اقدر اجاوبك دلوقتى لانى مريت بنفس الموقف وكان قريب قوى كمان
بصراحه ....ما كنتش عارفه ارد ...بس قولتله:( وانا مالى مش انا اللى تكلمنى فى حاجه زى دى ليا اهل تكلمهم) ومشيت.....هههههه
كويس انى عرفت اتكلم اساسا..
وهسأل: لو عاوز تنسى حبيب تعمل ايه؟

بالنسبه ليا صعب اوى ده لو مكنش مستحيل

بس بيقولوا عشان تنسى حب قديم لازم تحب جديد ..


وسؤالى :

حاجه نفسك تعملها من وقت ما دخلت المنتدى

وعرفت الاعضاء اللى فيه ( ايه هى ) ؟؟؟


**** **** ****

ولا حد يهزنى

بصراحه نفسى اشوف الاعضاء الحلوين اللى بكلمهم دول ....ياترى هم مييين؟
وبالاخص موكا ولميس و طه لانى يمكن متكلمتش مع حد تانى غيرهم
وسؤالى : امممم...هو سؤال صعب شويه
هل فى حياتك قصة حب حاليا؟

اجابتى لا ..سؤالى (ايه شعوركم اتجاه طلبة اثار كلية اداب)بالرغم انهم لا يختلفون عننا فى شئ يخص المنهج الدراسى والبحوث الميدانية و كل شئ تقريباً..؟؟

نورتى التوبيك يا شمس ...

بس انا مش معاكى فى ان طلاب اداب زينا لاننا بنختلف عنهم

بشكل كبييير وفى حاجات كتيييير ( طبعا احنا اكثر تخصص وتعمق )





**** **** ****

ولا حد يهزنى

وسؤالى :


ممكن تصدق حد كدب عليك مرة ؟؟؟؟؟؟؟؟؟؟؟؟




**** **** ****

من لا يرانى ذهبا فى عينيه

لا اراه ترابا تحت قدمى

على حد معرفتى بالحد ده
وعلى حسب معزتى ليه وثقتى فيه
ولو انا متاكده من قيمتى عنده لازم اعرف ايه سبب كدبته وليه يعمل معايا كده
على الاقل لو مش هرجعله تانى مش افضل طول عمرى واخده عنه فكره انه كداب
وهسال نفس االسؤال
يمكن نسمع اراء تانيه او حد يقولى انى غلط

امممممممممممممممممم

هرد انا عليكى لو تسمحى يعنى ..

اقتباس :

على حد معرفتى بالحد ده

لما انا اكون عارف حد ويكدب عليا يبقى انا معرفتوش اصلا
انا كنت مخدوع فيه ..

اقتباس :

وعلى حسب معزتى ليه وثقتى فيه

معاكى انا ممكن اسامحه عشان معزته عندى بس
ازاى هثق فيه بعد كده وهو كدب عليا ..

اقتباس :

ولو انا متاكده من قيمتى عنده لازم اعرف ايه سبب كدبته وليه يعمل معايا كده

الكدب مهما كاااان اسمه كدب ومفيش اى سبب يخلى الواحد
يكدب واللى يكدب مرة يكدب مليون ..

اقتباس :

على الاقل لو مش هرجعله تانى مش افضل طول عمرى واخده عنه فكره انه كداب

ههههه لو هنبص للامور كده يبقى ملوش لزمه ان الشخص
ده يعرف انى مش كداب

وده رايى وانا مقتنع بيه يمكن حد تانى

عنده راى مختلف ..


ومع انى مش بحب حكايه نفس السؤال دى

بس هستنى يمكن اسمع راى تانى او حد

يعلق عليا ..



**** **** ****

من لا يرانى ذهبا فى عينيه

لا اراه ترابا تحت قدمى