سرقه لوحه الخشخاش لفان جوخ

طبعا يا جماعه معظمنا سمع عن سرقه لوحه الخشخاش لفان جوج من المتحف "محمود خليل "بالدقي ودا طبعا ان دل علي شئ فانه يدل علي مدي التردي والاهمال اللي وصل الي درجه كبيره جدا واستفحل في مجال الاثار وقد يكون شئ اخر افظع واشنع من الاهمال ادي الي سرقه هذه اللوحه من نفس المتحف وللمره الثانيه فاجهزه الانذار معطله والكاميرات لا تعمل وهنيا لمن سرق هذه اللوحه وانا ازعم ان هذه اللوحه لن تعود لاننا لانستحقها

عندك حق بس ان شاء الله اللوحه هترجع لانها ملك الشعب كله مش اللى سرقها بس

مهو اكيد اللي سرقها من شعب اخر بمساعده حد من الشعب ده ومصر بتتهم ايطاليا انها اللي سرقتها

فعلا احنا منستحقهاش وعوضنا ع ربنا لانها
عمرها مهترجع والا كان رجع الا قبلها

تمام يا لميس بس تفتكري اللي حصل دي صدفه ان السارق يبقي عارف ان كل الكاميرات معطله والانذار معطل والامن نايم في العسل اكيد كل ده مدبر من قبل كده والا انت رايك ايه

والله مش عارفة بس شكلها صدفة غريبة جداااااااااااااا
ربنا يستر ع الا جاي

عارفين اكتر شئ صدفة بجد انها نفس اللوحة اللى اتسرقت فى فيلم( حرامية فى تايلاند )

هههههههههههه يا جماعه انتوا بتقولوا ايه السرقه اللى تمت دى مدبرة كويس جداا وتم تعطيل كل الاجهزة اللى موجودة والدفع للموظفين واسالوا فاروق باشا حسنى واللى اتقبض عليهم دول بكرة تسمعوا خبر الافراج عنهم او تتنسى القضيه خالص دول نصف مليار جنيه مصرى يعنى يموتوا نفسهم علشانهم منش يتحبسوا

لا يا سعيد انا مش معاك انهم هيخرجوا دول لازم يكونوا كبش فدي للاخ فاروق حسني وانا كلامي من البدايه انها مدبره انا كنت بتهكم عليهم بس هو ينفع ان الصدفه في عهد وزير واحد يتسرق اللوحات بتاعت قصر محمد علي وبعد كده تتسرق لوحه الخشخاش بس يا ريت بعد يومين ميجويش يقولوا ان اللي سرق اللوحه رجع حطها جنب سور المتحف من غير ما حد ياخد باله زي ما عملوا في لوحات قصر محمد علي المشكوك في اصلها وبعدين في صدفه ولوني مش معتبراها صدفه ان الاخ فاروق حسني رسام صور زيتيه ودي عاشر لوحه تتسرق في عهده تفتكروا ليه!!!!!!!!!!!!!!!!!!!!!!!!!!!!!!!!!

اهم التطورات ان رجل الاعمال نجيب سويرس عامل مكافئه مليون جنيه للي يعرف اي معلومه توصلنا للوحه

كويس دي اول خطوة ايجابية مع اني اشك انها ترجع تاني

يا لميس اللي سرق لوحه بمليارات مش هيهمه مليون وحتي المشاركين زمنهم برده وخدين ملايين

يمكن يكون ف حد عندوا ضمير ويكون لسه بيحب بلده
بس طبعا هيهات

يا جماعه هى خلاص خدوها وخرجوها برة ومش بعيد تكون بتتزور على اعلى مستوى وهاترجع وهايقولو هى دى ويقفلوا الموضوع على كدة ولا حد هايعرف اذا كانت مزورة ولا لا لان مستحيل هايسيبوا حد كويس يختبرها

يا جماعة انا معاكم ان اللوحة غالية جدا بس مش بمليارات هم قالوا فى الاخبار انها ب55 مليون
وانا مع سعيد أن اللى خرج مش هيرجع تانى

انا من البدايه بقول انها مش هترجع بس في حاجات تانيه كتير مخفيه في القضيه وبعدين اللوحه تمنها يعدي المليار وبلاش يا جماعه تصدقوا نشرات الاخبار المصريه لانها دايما بتبخس الحاجه وديما تخلي الكوارث حاجات هيفا بس مش وهبي

اهم التطورات النيابة تحقق فى الأمر واتهامات متبادلة بين مسئول المتحف شعلان ووزير الثقافة فاروق حسنى

الوزير: شعلان هو الغلطان.. اصله ماقاليش!!!! (يا نهار اسود! هو فيه حاجة اسمها ماقاليش) لو كان بس قاللى ان الكا...ميرات عطلانة كنت صلحتها على طول (ايه الحلاوة دى يا وديع .. الوزير تقريبا ماسمعش قبل كده عن حاجة اسمها التقييم والمتابعة والصيانة الدورية) تصدق كانت الدمعة هتفر من عينى يا راجل يا طيب

تقدم محامي شعلان بمستندات للرد علي أقوال فاروق حسني تضمنت خطاباً من شعلان للوزير بتقديم شركة أجنبية عرضاً للقيام بأعمال صيانة للكاميرات وأجهزة الإنذار دون مقابل مادي بمتحف محمود خليل، إلا أن الوزير رفض!!!! وطبعا تتوه الحقيقة ومفيش مسئول يتحاسب ويعتمدوا على ان الناس هتنسى بعد شوية

انا عرفت كمان انهم هيطوروا المتحف لسه فاكرين احنا دايما كده منفقش الا بعد الكارثة متحصل ونرجع ننام تاني

بس انا مصره يا لميس ان ده مكنش اهمال انا مصره ان دي عمليه مدبره وكل الكلام ده وكل واحد يرمي التهمه عن التاني وفي الاخر اللي هيطلع غلطان الموظفين الصغيرين وممكن يشيلوها لاخصائين الترميم او امين المتحف

طبعا مدبرة بدون اي شك واكيد هيلبسوها لاي حد وخلاص تخلص
الحكاية ع كده

حسبى الله ونعم الوكيل كالعادة

والله يا جماعه الواحد مش عارف يقول ايه بس الدعه لوحده مش كفايه ربنا بيقول لا يغير الله ما بقوم حتي يغيروا ما بانفسهم لازم حد يتحرك ويعمل حاجه انا نفسي يقيلوا فاروق حسني كفايه عليه نهب كده

يا حبيبتى تقولى لمين ومن ده اللى يتقال فاروق حسنى زى كل الوزراء المصريين اللى بيطلعوا من الوزارة على قبرهم وأهى كلها كوسه

يا خوفي قبل ما يطلعوا علي قبرهم يكونوا طلعوا كل الاثار بره اهم يطمنوا عليها قبل ما يموتوا وحسبي الله ونعم الوكيل

يا جماعه سرقه لوحه الخشاش كارثه بكل المقاييس بس الكارثه الاكبر اذا تم تزوير اللوحه وعمل نسخه طبق الاصل من اللوةحة وعرض اللوحة المزيفه فى المتحف مرة اخرى على انها هى الاصليه هذا هو شئ لصعب واشد من السرقه لان الرواد فى هذا المتحف سوف يدخلون المتحف ويرون النسخه المقلده على انها هى الاصليه بينما ينفذ من سرقها بها الى خارج البلاد

مهو ده اللفساد بعينه يغطوا علي السارق ويوهموا الناس بالباطل لاواللي ادعي ان مصر هتخسر مصداقبتها في عالم السياحه لان الاجانب لما يعرفوا بالموضوع ده هيقولو واحنا ايه اللي عرفنا ان كل التحف ولالثار اللي في المتاحف مش مزوره