الحاجات دى عبيطه قوى بس للأسف كلنا بنعملها ؟؟
وبيتهيئالى إن كلها صح
ليه لما تكون بطاريه الريموت ضعيفه بندوسى على الزراير جامد قوى
و نقعدى ندوسى بغل كدا و نضرب فى الريموت
قال يعنى كدا هيشتغل؟؟ ولا انتى بتعزب الريموت مثلا ؟
ليه لو قرصتنا نمله صغيره و نيجى نموتها
بنفعصها جااااااامد قوى
انتى كدا بتنتقمى يعنى ولا إيه
دى نمله يعنى بتموت بلمسه صغيره
دا انتى ناقص تقومى تجيب إيد الهون و تدقيها
ليه لما تكونى راكبه عربيه و ماشيه فى مكان و تحسى
انك دخلتى مكان غلط او توهتى
بتوطى صوت الكاسيت
انتى كدا يعنى هتوصلى بسرعة ؟؟
حاجه غريبه جدا
ليه بنقولى ديما .. هديه مجانيه
ما طبعا لازم تكون الهديه مجانيه
هو فى هديه مش مجانيه
ليه لما يكون مثلا مكتوب على حيطه كلمه
احترس من الدهان
مبنصدقش ولازم نجرب بايدينا
دا هبل يعنى ولا إحنا بنكدب الحيطة
؟؟
ليه لما نكون مثلا مستنين الاسانسير و يتأخر بنقعد ندوس كتير اوى على الزرار؟
كدا يعنى هيتكسف وينزل بسرعه؟
ليه لما تكونى بتأكلى طفل صغير بتفتحى بقك انتى كمان
يعنى انتى اللى هتاكلى ولا هو ؟؟
ولا انتى بتشجعى يعنى
ليه دايما كل ما بنصحى من النوم بنحس اننا
فى حاااااااااااااجه شديده لــ 10 دقائق اضافيه من النوم
ولو منمتهومش هتحس انك هتموت ولا هيجرالك حاجه
ليه لما تدخلى مثلا الاوضه على اخوتك او اختك او اى حد من عيلة بتاعتك
و تلاقيه على سريره و بيتغطى
تقومى انتى بكل عبط تقولولها
انتى هتنامى؟؟
امال يعنى هو هيتشقلب؟؟
ما هو كدا واخد وضع النوم
حاجه تغيظ بجد
أنا مجربه دى كتير على فكره
وليه لما حد يدخل من الباب يجو يقولو
انتى جيتى
ومال يعنى لسه مجتش وده خياله
ليه بعد ما نشرب أخر شويه شاى فى الكوبايه
نبص فى الكوبايه
مش مصدقه يعنى ان الشاى خلص
ولا انتى مخونه الكوبايه وبتتأكد؟
ليه لما تكونى قاعد فى مكان عام
وتسمع موبايل بيرن
تقومى تشوف اذا كان تليفونك اللى بيرن دا ولا لا
ليه يعنى هو مفيش الا انت معاك موبايل
وتلاقيك اصلا شايل 3310
ليه لما نكون بنلعب بلاى ستاشن
أو لعبه عربيات بالذات او اى حاجه تانيه
بنقعد نروح ونيجى مع العربيه كدا
ونطلع وننزل ونحود جامد مع العربيه كدا
زى مايكون إحنا اللى سايقين الهبل ولا ايه
الأربعاء 28 يوليو 2010 - 22:52
