أدهم طالب جديد بإذن الله

اهلا بيك نورت الكليه والمنتدى وانت ممكن تسال عن اى حاجه واحنا نجاوب

اولا اهلا بيك ف المنتدي وو كلية الاثار وانشاء الله تستفيد معانا بالنسبة لاقسام الكلية تلاتة اسلامي وترميم ومصري وكل قسم بيعتمد ع بعض الشروط
1-الاسلامي بدون شروط
2-المصري بدرجة الانجلش
3-الترميم بعد النجاح ف امتحان القدرات
وانشاء الله تدخل القسم الا انت عاوزه وتستمع بالدراسة ف الكلية.

مش فكرة عدد الصور بالظبط بس اعتقد4 اما بالنسبة للمدينة لازم تكون جايب اعلي من مجموع الكلية والتخصص ف سنة اولي الترم الاول وانشاء الله تدخل مصري لان السنة الافاتت اخد من42 بالتوفيق انشاء الله

لا انشاء الله تدخل بصراحة كل الاقسام كويسة بس اهمهم قسم الترميم اما الشغل ف دي حاجة فعلم الغيب

يعني اختيار القسم عند تقديم الورق في الكلية ولا لما ندخل الكلية
يعني أنا مثلا هقدم الاسبوع ده باذن الله
لازم احدد القسم واكتبه في ورقة مثلا ولا لما أدخل ؟؟
ونا كمان محتار اصلا بين الاقسام بس عاوز اختار بين اثار مصرية وترميم انا بحب الفراعنة

ااهلا بيك مره تانيه ادهم انا اسف مقدرتش ارد عليك
بس اظن ان لميس بارك الله فيها قالتلك على كل حاجه ولو عايز حاجه تانى ممكن تسال واى حد يجاوبك

لا زي ما قولت التخصص هيبقي ف الترم الاول مش دلوقتي خالص اما بالنسبة لحكاية قسم ايه فدي حريةواختارالقسم الا ينسبك بالتوفيق

هاى ادهم نورت الكلية بالنسبة لحجم الكلية ففى الحقيقة هى مش كبيرة اوى بس مش كل شئ بحجمه عشان كمان فى محاضرات بنخدها برة الجامعة فى مدرجات كبيرة وما تقلقش المدرجات مش بعيدة اوى هى جنب المدينة الجامعية امام باب تجارة
: ولو احتجت اى حاجة احنا هنا كلنا بنساعد بعض وان شاء الله خير3.6.:

شكرا يا جماعة علي كل شيء قدمتوه لي
بس طلب صغير
بمأن الدفعه بتعتي تعتبر صغيرة خالص خالص انا كده ممكن اقعد في المدرج مع 3 او 4 لو ممكن نبقي اصحاب في الجامعه يعني انا مش بحب الوحده خالص نفسي اتعرف علي ناس جديدة

اهلا بيك يا ادهم احنا كلنا هنا اصحابك واخواتك وكلنا تشرفنا بصداقتك
انا خالد من تالته ترميم ان شاء الله الدرساه اللى جايه

ربنا يكرمكم يا رب
ويكرمني ويوفقنا ويوفقني
وأعرف أدخل اثار مصرية يا رب

انا موجود فى غرفه الدردشه دلوقتى يا ادهم لو انت عايز حاجه او عندك استفسار

كلنا بنتمنى ليك يا ادهم انت وكل الطلاب الجديدة انهم يدخلوا الاقسام اللى عايزنها بس انت هتدرس مواد من التلات اقسام وهتشوف ايه نوع الدراسه اللى بتحبها سواء ترميم او مصرى او اسلامى

ربنا يسهل ويكرمنا ويوفقنا كلنا
وفعلا زي ما اللي اتكلمت معاهم قالوا
كلنا اي واحدة في الكلية
وربنا يستر ان شاء الله

اهلا بيك ياادهوم فى كليتنا وربنا يوفقك وتحقق الابتتمناه

شكرا ليكي
وان شاء الله كلنا نحقق احلامنا في كليتنا الجميلة