ماذا ستفعل لو فتاة أعترفت بحبها لك ؟!... ناقش

ماذا تفعل لو أن فتاة أعترفت لك بحبها.؟!.....قبل أن تخبرها بحبك لها؟!..

لنفترض أنك تحبها بينك وبين نفسك ثم فوجئت باعترافها لك ماذا ستفعل ؟!...هل ستخبرها بحقيقة مشاعرك؟!...


أم أن اعترافها سيقلل من قيمتها داخلك وسينفرك منها كشخصية؟!...ستشعر بالقلق منها إن كانت فعلت ذلك من قبل؟!..

أما في حالة لو كنت لا تشعر بشئ اتجاهها ولم تعلم أبدا عن أحاسيسها إلا عندما فاجأتك بهذة الكلمات (أنا احبك) بما ستشعر اتجاهها؟!.....هل سيكون اعترافها قد زرع بذرة حبك لها في قلبك ؟!....أم أنك ستعتبرها ولا مؤاخذة إنسانة وقحة يجب الإبتعاد عنها؟!.....أم أنك ستعتبرها فريسة سهلة للتسلية طالما هي تحبك وهي طلبت هذا؟!....

وسؤالي الأخير ماذا تفعل فتاة إن وقعت في حب رجل لا يحس بها؟!....هل تقولها بصراحة له؟!...أم تحاول أن تلمح له عن مشاعرها؟!......أم تخبر أحدا آخر ليخبره؟!..أم تحاول تتناسى مشاعرها وتكتم الموضوع نهائيا؟!...

أريد منكم نصيحة صادقة إخواني الشباب في الأسئلة السابقة لأخواتكم الفتيات حتى لا يتسببن في أخطاء نتيجة فهمهم الخاطئ لأحاسيس الرجال......

منتظرة مشاركاتكم

اللهم إهدنا لما تحبه وترضاه

يسعدنى اكون اول رد موضوعك جميل ياسمسمة بس انا ما بحبش ان بنت تعترف بحبها لولد لان احنا هنفهمها غلط واحنا مجتمع شرقى يعنى ممكن الولد الى بتحبة يتفاهم واخر حتى لو بيحبها هيعتبرها جريئة زيادة وممكن يبعد

انا عن نفسى لو حبت حد هبعد عنه عشان يمكن اقعد احبه ويكبر حبه فى قلبى وفى الاخر يكون هو فى وادى وانا فى وادى تانى خالص (الحب ضعف )

ar_gogo كتب:

يسعدنى اكون اول رد موضوعك جميل ياسمسمة بس انا ما بحبش ان بنت تعترف بحبها لولد لان احنا هنفهمها غلط واحنا مجتمع شرقى يعنى ممكن الولد الى بتحبة يتفاهم واخر حتى لو بيحبها هيعتبرها جريئة زيادة وممكن يبعد

أنا الأسعد بمرورك جوجو
مرسى يا قمر على المجاملة دى
فعلا لو بنت أعترفت لولد بحبها هنفهمها غلط
وهو نفسه ممكن مايقدرش دا ويعتبرها بنت مش تمام
بس دا راينا كبنات ، عايزين نشوف بقى راى الولاد ايه
وفى الآخر نحكم
اللهم إهدنا لما تحبه
وترضاه

مصراوية كتب:

انا عن نفسى لو حبت حد هبعد عنه عشان يمكن اقعد احبه ويكبر حبه فى قلبى وفى الاخر يكون هو فى وادى وانا فى وادى تانى خالص (الحب ضعف )

أهلا بيكى مصراوية
نورتى الموضوع يا قمر

بس أنا مش معاكى إنك لو حبيتى حد تبعدى عنه
لأن الحب الحقيقى بنعيشه مرة وحدة فى عمرنا كله
فلو لقينها بجد وسينه وبعدنا عنه
يبقى ضيعنه للأبد ، والحب مغامرة محتاجه لأنسان قوى
فليه تضيعى حبك بإيديكى حاولى بس فى حدود المعقول
وبالشكل الى ما يجيش على كرامتك
لكن تبعدى بدون أى محاولة
هتبقى إنتى الى خسرتى

اللهم إهدنا لما تحبه وترضاه

تلسم ايدك يا سمسمه
وعاوز اقول بالنسبالى انا شايف ان البنت زى الراجل بالظبط فى موضوع المشاعر يعنى زى ما هو بيدى نفسه حق انه يعترف بحبه فى الوقت اللى هو عايزه فده كمان من حقها كانسانه لها مشاعرها انها تطلع مشاعرها ده فى الوقت اللى هى عيزاه وواجب احترام مشاعرها دى .
وده عمره ما هيقلل من قيمتها بالنسبالى ابدا بل هيزودها .
اما لو كنت ما بحسش ناحيتها بحاجه فهحاول انى اخد منها الموضوع بشكل لذيذ وواحده واحده احوله لصداقه او اخوه لكن مس هستغلها ..
تالت نقطه لو واحده حبت واحد بجد ما تتعبش نفسها كتير وتفكر وتضيع وقت تروح تقوله مش لازم بطريقه مباشره ممكن تجيبهاله بالف طريقه ومن الريأكشن بتاعه هى تحكم اذا كانت تقولهاله بطريقه مباشره ده فى حاله انه ما قالش هو الاول بس صدقينى هو هيقول الاول
تسلم ايدك تانى