هوا ده الحب ده شر مش حب

الحب ده شر اكتر منه خير
زى ما بيدى سعادة
بيدى بردوا الالام وجروح عميقة
الحب قالوا عنه اشعار وقصايد
هوا ده اللى غنولوه كتير
هوا ده اللى فرحوا بيه
مش شايفين غير انه حلو
ميعرفوش اد ايه انه غدار
زى مابيدى السعادة بيقتلها مرة واحدة
ويسيبك فى سجن كئيب لوحدك
مطعون بخنجر فى قلبك
مكتوب عليه حزن ابدى
جرح مالوش دواء
وان يكون مكتوبلك
انك تضحك وتبتسم
وانت قلبك حزين
مجروح مدمر ميت
هوا ده اللى فرحولوه الكتير
على ايه وعلشان ايه
علشان شوية فرحة هيغيبوا
مع كل ثانية مع كل لحظة
مع كل يوم كل سنة
فى كل مكان
هتروح لانها سعادة مش دايمة
اكيد سعادة كذابة
انك تبكى كل يوم
انك تخاف على طول
انك تندم فى كل لحظة
انك تفكر كل ثانية
انك تتمنى امنية
وماتتحققش
انك تتمنى انك ترجع تضحك
وتفرح من قلبك
مش مجرد ضحكة على الوجه
لا ضحكة من القلب
يحيا بيها شريان قلبك
يجرى بيها دمك
يحس بيها كل جزء فيك
انك تنسى للابد كل شئ
انك تحب تعيش لوحدك
بعيد عن كل الناس
وان قلبك يفضل وحيد
وتنسى ذكرى مؤلمة
وتخاف من بكرا
انك من التعب والضعف
تستلم وتتمنى الموت
انك تحس بانك كنت فى كابوس
بس مش عارف تصحى منه
ونفسك تصحى قبل ماتتخنق
اكتر من كده
انك تبكى بدل الدموع دم
ان قلبك خلاص مات
وادفن فى ارض الوهم
هوا ده الحب
هوا ده اللى الناس بتغنيلوه
هوا ده هوا ده هوا ده
انا مش مصدقة ولا عايزة اصدق