اتحاد الطلبة ( لاي مساعدة أو استفسار )

اتحاد الطلاب

تشكل الاتحادات الطلابية من طلاب الكليات والمعاهد الجامعية النظاميين المقيدين بها لنيل درجة البكالوريوس أو الليسانس والمسددين لرسوم الاتحاد . ويكون للطلاب الوافدين والمنتسبين الذين يسددون رسوم الاتحاد حق ممارسة أوجه النشاط الخاص للاتحاد دون أن يكون لهم حق الانتخاب أو الترشيح .

ويتم الترشيح في اللجان الآتية :

1- لجنة الأسر .

2- لجنة النشاط الرياضي.

3- لجنة النشاط الثقافي.

4- لجنة النشاط الفني.

5- لجنة الجوالة والخدمة العامة.

6- لجنة النشاط لاجتماعي والرحلات.

ويشترط في من يتقدم للترشيح لعضوية لجان مجالس الاتحاد … الشروط الآتية:

1- أن يكون متمتعا بجنسية مصر العربية.

2- أن يكون متصفا بالخلق القويم والسمعة الحسنة.

3- أن يكون طالبا نظاميا مستجدا في فرقته غير باق للإعادة فيها لأي سبب.

4- أن يكون مسددا لرسوم الاتحاد.

5- أن يكون من ذوى النشاط الملحوظ في مجال عمل اللجنة التي يرشح نفسه فيها.

6- ألا يكون قد سبق الحكم عليه بعقوبة مقيدة للحرية أو تقرر إسقاط أو وقف عضويته بأحد الاتحادات الطلابية أو لجانها.

أثرى مبتدأ القسم : حضارة فرعونية

برجاء مساعدتى معرفة كيفية تحمل الكتب والمراجع الخاص بدراسة كلية الاثار قسم الحضارة
المصرية القديمة فانا اعشق التاريخ المصرى القديم و اود دراستة لمعرفة تاريخ اجدادى وفهم
حياتهم ولغتهم لعلنا نرتقى الى قدرتهم فى العلم ولكم جزيل الشكر...
اخيكم.. محمد..
يمكن مراسلتى على
--------------------------

اوكي ان شاء الله هنحاول نرفع الكتب اللي انت عاوزها ع المنتدي

أثرى مبتدأ القسم : مصرى

بسم االه
بدون مقدمات انا فى 3 طب عين شمس وكنت عايز احول كلية اثار عندكم
كنت عايزكم تساعدونى
يعنى ايه الورق
ولازم اكون ناجح ولا لو بعيد عادى
ونظام الدراسه عامة فى الكلية
وياريت تردوا عليا بسرعة
اه هو التحويل مفتوح لحد امتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وشكرا جدا مقدما

لست طالبة بكليتكم فانا خريجة تربية نوعية عين شمس وبعمل ماجستير فياريت تساعدونى لان الموضوع بتاعى خاص بكليتكم بمعنى انه عبارة عن متحف الكترونى خاص بكل الاثار التى يجب زيارتها عندكم بالكليه هل لديكم موقع خاص بذلك وان وجد ما هى العيوب المتواجده به وما الاشياء التى تحبون ان توجد عليه
من يحب مساعدتى يرسل لى على الايميل ده nirmen22200@yahoo.com
ولكم منى جزيل الشكر 565

مفيش موقع لمتحف الكليه خااااااااااااااااااااااااااااااااااااااااااااالص
حلو ان فيه موقع للكليه اساسا .................

بس لو نحب يكون فيه سايت او موقع لمتحف الكليه الالكترونى

يكون زى موقع مصر الخالده ... مش عارف فيه القدره ان يكون زيه ولا لا

www.eternalegypt.org

وشكرااااااااااا

اتمنى انه يكون زى موقع مصر الخالدة ويعجبكوا واقدر انى افيدكوا
شكرااااااااااااااااااا على الرد

أثرى مبتدأ القسم : اثار فرعونيه

ما هى اهيمه كليه الاثار وهنشتغل بعد ما نتخرج ايه وهل هى ليها مستقبل والا لا

لو مش عارف اهمية كلية الاثار يبقي ازاي فكرت تدخلها وبذمتك في كليات دلوقتي بتشتغل منها بعد ما تتخرج كله بايد ربنا
وبالنسبة للمستقبل بقي انت اللي بتختاره وتحدده سواء بتخصصك او اجتهادك

أثرى مبتدأ القسم : ترميم

[b]لو سمحت أنا طالب داخل سنه أولى وكنت عايز أعرف أيه طبيعة إختبار القدرات إللي يشترط قبل دخول قسم ترميم؟؟ وأيه هي الأسئله إللي مطلوبه في إختبار الرسم؟؟
وبالنسبه لقسم آثار فرعونيه درجة اللغة الإنجليزية بتكون على حسب الثانوية العامة ولا إختبار الترم الآول في الكلية؟؟
وشكراً

المدير العام القسم : ترميم

فى البداية نرحب بوجودك معانا يا كريم ونمنى ليك النجاح والتوفيق فى الكلية ان شاء الله
قسم الترميم ده بيكون ليه امتحان قدرات عبارة عن اربع امتحانات
1/ امتحان نظرى وده سهل جدا من محاضرات مادة الترميم اللى عندك من الترم الاول و بيكون سؤال واحد تقريبا وسهل برضه جدااااااااااااااااا
2/ امتحان الرسم وده امتحان بسيط جدا وماتخفش منه خالص انت مش مطلوب منك انك تكون رسام محترف يعنى علشان تعدى بس رسم بيكون مقبول يعنى وان شاء الله هتلاقى منتنظم زى محاضرة كده من الطلاب الكبار وحد فيهم هيعملكوا ازاى تنجحوا فى الامتحان ده ان شاء الله بسهوله خالص
3/ امتحان ألوان وده بيشوف انت عندك عمى ألوان ولا لا وده امتحان فى غايه السهوله اساسا
4/ انترفيو مع دكتور من القسم وبشوف ايه هى رغباتك فى دخول القسم بس
قسم مصرى
القسم ده بيشوف درجتك فى مجموع الانجليزى فى الثانويه والدرجة دى بتتغير على حسب كل دفعه مش ثابته يعنى
وانت ان شاء الله فى حفله الاستقبال هتلاقى جواب تفصيلى لكل اسألتك ان شاء الله
اتمنى انى اكون ساعدك
واهلا بيك مرة تانية فى الكلية
tghtgh

أثرى مبتدأ القسم : ترميم

انا كنت عايزة اعرف اللي بيتخرج من قسم ترميم بيبقى مهندس ترميم؟

وعلى فكرة الموقع بجد تحففففففففففففففففففة

465l

اهلا وسهلا بيكى يا تقى ... ع الفيس وع الملتقى :D

لا بيبقى للاسف اخصائى ترميم آثااااااااااااااااااااااااااااااااااار ... منهم لله

أثرى مبتدأ القسم : مبتدئه

السلام عليكم
بعد اذنكم كنت عايزة اعرف لو في اثار انتساب ولا لآ ضرووووي ارجوكم

أثرى مبتدأ القسم : مبتدئه

لو سمحتم عايزة اعرف في اثار انتساب ولا لا..لاني جايبه 91.8 وكنت كاتبه اثار رغبه اولي وكتبت رغباتي غلط يعني ماكتبتش اثار الفيوم بعد القاهره فجتلي كليه اداب القاهرة ..انا بس عايزة اعرف لو في اثار انتساب ينفع احول من اداب لاثار انتساب ولا لا ..ارجو منكم الرد سريعا

الحل الوحيد لحضرتك انك تحولي للفيوم وتقعدي سنة اولي فيها وتشدي حيلك وتجيبي جيد جدا وتحولي آثار القاهرة لأن مفيش انتساب ولو كنت حضرتك كتبتي اثار الفيوم كانت هتيجي وبعدها تعملي تحويل لتقليل الاغتراب وتبقي في القاهرة من سنة اولي بس للاسف معملتيش كده ... المهم قدر الله وماشاء فعل حضرتك دلوقتي قدامك حلين انك تحولي للفيوم وده ممكن يكون صعب بالنسبة ليكي الا لو كنتي فعلا حابة المجال ده ونفسك تشتغلي فيه فمش مهم تتعبي سنة علشان مستقبلك .. او ان حضرتك تدخلي قسم اثار في كلية الاداب

أثرى مبتدأ القسم : مبتدئه

انا فعلا عملت طلب تحويل لاثار الفيوم بس ما قبلونيش هناك مش عارفه ليه مع اني جايبه اعلي من المجموع اللي طالبينه ..وللاسف مافيش اداب قسم اثار ف جامعه القاهرة ..انا كان نفسي ادخل اثار القاهره بس الحمد لله علي كل شئ وقدر الله وماشاء فعل وشكرا لرد حضرتك

ممكن يكون العدد في الكلية مكتمل ... ولو حضرتك مهتم بالاثار اوي ممكن تدخلي قسم تاريخ في جامعة القاهرة او تحولي عين شمس ... وللعلم جامعة عين شمس كويسة جدا وافضل من جامعة القاهرة في اشياء كثيرة

أثرى مبتدأ القسم : مبتدئه

طب معلش اخر سؤال :هو ينفع ادخل اداب تاريخ واخد قرصات وابقي ف الارشاد لسياحي ولا لا؟

أثرى مبتدأ القسم : مبتدئه

طب معلش اخر سؤال :هو ينفع ادخل اداب تاريخ واخد قرصات وابقي ف الارشاد لسياحي ولا لا؟

اصلا حضرتك لو كنتي دخلتي كلية الاثار مكنتيش هتتخرجي منها مرشدة كنتي هتعملي الاول دبلومة ارشاد
وتقريبا ينفع من كلية الاداب تعملي الدبلومة دي وهحاول اتأكد لحضرتك لو تحبي

أثرى مبتدأ القسم : مبتدئه

يا ريت لو سمحت ..لاني انا فعلا حابه المجال ده ونفسي ربنا يوفقني وشكرا علي الرد

دبلومة الارشاد عادى ممكن تعمليها من اى كليه على ما افتكر
لان كان فيه ناس مرشدين كتير من تجاره

واكيد ينفع تعمليها من اداب

وبالتوفيق ان شاء الله

أثرى مبتدأ القسم : مش عارف لسه

لو سمحت انا لسه داخل اولى اثار السنه دى بس فى الكشف الطبى قالولى لازم تعمل نظاره وانا سمعت ان الدراسه يوم السبت وهما فى المستشفى الطلبه قالولى تسجى تعيد الكشف يوم السبت وانا خايف مثلا ان اول يوم اللى هو السبت يبقى فى مخاضرات وكده وكمان انا مش عارف اى حاجه غير انى دخلت كليه اثار ولا عارف جدولى ولا القسم ولا اجى امتى فلو سمحت ياجماعه لو حد يقدر يفيدنى وشكرررررررررررا

ماتقلقش خالص دي حاجات بسيطة ... بالنسبة للدراسة هي هتبدأ يوم الاتنين يعني بكره مفيش محاضرات ويوم الاحد هيعملوا حفل استقبال ليكم وبإذن الله هتبدأ يوم الاتنين ... وانا حطتلك الجدول مع الرد علشان تعرف جدولك بالزبط

https://www.facebook.com/l.php?u=http%3A%2F%2Ffa-arch.cu.edu.eg%2F%25D8%25A7%25D9%2584%25D9%2581%25D8%25B5%25D9%2584%2520%25D8%25A7%25D9%2584%25D8%25AF%25D8%25B1%25D8%25A7%25D8%25B3%25D9%2589%2520%25D8%25A7%25D9%2584%25D8%25A7%25D9%2588%25D9%2584%25202011.doc&h=WAQGihZCK

ومش هيبقي فيه ضغط عليكم اول اسبوع ده خالص يعني كل دكتور هيخش يعرفكم ايه نظام الدارسة والجامعة وكده وممكن كمان تاني اسبوع فمتقلقش من حاجة
ولو احتاجت تفهم اي حاجة انا تحت امرك في اي وقت
وبالنسبة لموضوع القسم فده هيبدأ من الترم التاني يعني اول ترم ده كلكم هتبقوا مع بعض ومن بداية الترم التاني هتتخصص

أثرى مبتدأ القسم : مش عارف لسه

انا متشكر جدا لرد حضرتك يا معلم وبجد المنتدى رووووووووعه

العفو لا شكر ع واجب

أثرى مبتدأ القسم : لسه

السلام عليكم ورحمة الله عايز استفسر بس بعد اذن سيا دتكم عن المدينة ظهرت ولا لا ؟؟؟؟
انا سنة اولي ومن المنزلة عشان اخلص بس واشوف هعمل ايه جزاكم الله خيرا 1111

انا للاسف مش عارف عشان اساعدك
بس الىل اعرفه انه بعد اسبوع من الدراسه او اسبوعين بالكتير بتظهر النتيجه بتاعت المدينه
وبتروح تدفع وتسكن
برضه اما تنزل الكليه ع الاسبوع الجاى اسئل او الاسبوع ده

وربنا يوفقك ان شاء الله

» مساعدة هامه
» مساعدة بعد ذانكم
» قوئم الطلبة الجدد دفعة 2010
» استفسار مهم جدا جدا
» انتخابات اتحاد الطلبه