هام جدا

دكتور احمدسعيد
الى بيدرس ماده تاريخ ماقبل الاسرات نبه في المحاضره على اهميه تعليقات الصور
وادانا الموقع ده علشان يساعدنا في الدراسه وهو قال انه مهم جدا للابحاث
اللنك اهو
تمنى اكون افادتكم
اللنك اهو http://xoomer.virgilio.it/francescoraf

شكراااا اوي

العفو يارنا

خبر تانى نسيت اقوله يمكن اهم من الاول
الجروب ال مع د\ زكيه تاريخ مصر القديم
الدكتور انهرضه نادت ع اسامى الجروب وال ماكنش موجود نقص ف الدرجات ارجو الانتباه

هام جدا تذكره للناس الى ناسيه
امتحان الmid term ماده رسم معمارى فرقه تانيه يوم الاتنين ال جاى
ربنا يكون في عونا خصوصا انا علشان مش بعرف ارسم

هام جدا
د/احمدسعيد دكتور ماده تاريخ ماقبل الاسرات قسم مصري هيعمل المحاضره الى جايه محاضره عن كل الى خدناه سؤال واجابه
وما على الرسول الا البلاغ
وذكر ان الذكرى تنفع المؤمنين

ياجماعه لاقيتلكم حاجه عجبتنى ومفيده بالنسبه لماده الرسم المعمارى ف.2
لاقيت موقع عليه صوت وصوره فيديو طرق رسم المسقط افقي والواجه رئيسيه ووجهه جانيه
يارب يفيدكم
واللنك اهو
https://www.youtube.com/profile?user=abolobnaali#g/u

شكرا يا جميل ع مجهودك

ياه يا سيكرت ربنا يخليكى لينا يارب ............

تسلمى يا قمراية .............

ميرسي
لاشكر ع واجب

ياجماعه لاقيت حاجه مهمه فى نظرى
موقع فيه كل حاجه بناخدها حتى الهيروغليفي
انا من باب الامانه جيبته وماحتكرتوش لنفسي
واللنك اهو
http://www.ancientegyptonline.co.uk/predynlist.html

والله انت مليكش حل يا عم تسلم على المجهود الرائع ده وربنما يقويكوا ويقوينا يااااااااااارب

ميرسي

يا جماعه انا عيزه اعرف بخصوص زياره سقاره التقرير هنقدمه امته ؟
انا عرفت انى هنقدمه لد/ طارق وهنصور نسخه ونقدمها للمعيده
وكمان عيزه اعرف ايه موضوع المراجع اللى قال عليها الدكتور والتقرير هيكون كام صفحه؟
يا ريت الرد بسرعه

يعنى زكية اخدت الغياب ونقصت كمان ربنا يبشرك بالخير يا سكرت
بجد بجد حزب الله ونعم الوكيل بس ايه ده ليه اشمعنى المرة ديه اللى اخدت الغياب؟ ليه هو العدد كان كام؟ مش عارفة كل مرة بيقولو مابتخدش اشمعنى المرة ديه؟
طيب واللى راح لسليمان يعمل ايه وسليمان مش بياخد غياب مجموعة ا يعنى كدا ان شاء الله الواحد حيشيل المادة ديه السنة الجميلة جدااااااااااااا ديه من اولها ولا ايه
خبر ينكددددددددددددددددددددددد
مش عارفة يا سارة انا اصلى مش مع طارق انا مع مها سمير وهيا طلبت مننا البحث ده هيا قالت 10 صفح وبعدين هيكون فيه على cd كمان على اساس ال10 صفح تقريبا ملخص للcd اللى حيكون فيه كل حاجة وحيتسلم معاه تقرير الزيارات ده كله قالت فى ابريل ده غير التقرير الزيارات اللى حنديه للمعيدة بعد كل زيارة
فالمعيدة اللى كانت معايا بسقارة ماكنتش عارفة بخصوص التقرير وانا قلتلها بس متهياقلى من المفروض نسلموه قبل العيد علشان اجازته طويلة بس انا لحد دلوقتى ماسلمتش تقرير المتحف
بس انا سمعت طارق قال البحث فى 10 صفح بردوا بس انا حسالك بكرا صحابى اللى مع طارق وارد عليكى
وبعدين انتى مش رايحة المتحف ليه حتروحى يعنى الكلية ديه ولا حتقعدى زى فى البيت
سورى لانى طولت

لا عادى زكيه خدت الغياب المره اللى فاتت واللى فاتت لا ما دام حولتى طارق خلاص
اسئلى ضرورى بليز لامش رحه يا سومه المتحف ما احنا رحنا والواحد نفسه يذاكر بصراحه بس بيتلكك

انا مش عارفة يا سكرت الموقع اللى قال عليه احمد سعيد ده حنعمل بيه ايه يعنى انا دخلت وبصيت وقريت العنوان والصفحة اصلا تعتبر مافيهاش حاجة حعمل ايه انا مش شايفة اى افادة ولا مواضيع بس انا مادخلتش اوى بس بردوا حنعمل ايه بالموقع ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واخدت كمان غياب قبل كده يااااااااااااربى الواحد حينام متنكد النهاردة يعنى
طيب انا يعنى انا اديت سليمان اسمى بس هو مابياخدش غياب غير مجموعته اللى هيا ب بس ومش بياخد غياب ا
بس انا اديتلوه اسمى وحولت معاه بس طالما زكيه اخدت الغياب يبقى كدا لسه احنا معاها يعنى بالشكل ده اعمال السنة راحت الحمد لله بتاعت المادة ديه ولا ايه
انا اتجنننننننننننننننننننننننننننننننننننننننننت اعمل ايه حد يقولى اعمل ايه علشان خلاص مابقتش عارفة اعمل ايه ولا قادرة افكر
استغفر الله العظيم يارب الواحد مش ناقص

ف ايه اهدى مش كده
كله اتاخد غياب ومش منطقى موضوع النقص ف اعمال السنه ساعتها كنا 12 بس وبعدها مخدتهوش تانى وانا مش هحضر لها تانى اصلها بتسال ولازم تحضرى

ياجماعه كلام التقرير بتاع المقارنات ده اكيد وهتلاقوا الى قالولك مافيش هما اول ناس عاملين واللهم بلغت اللهم فاشهد
لكن بالنسبه لموضوع ان في درجات على الموضوع ده انا ماعرفش وهى ماتكلمتش في نقطه زى كده
وبالنسبه للى مش يعرف
نقول من تانى
الكلام ده لمجموعه أ بس
ياجماعه د\زكيه طالبه عقد مقارنتين بين
تمثال الملك خفرع
تمثال الملك نفر اف رع
ومقارنه تانيه بين حيوانات خرافيه
تمثال ابو الهول
وتمثال الجيرفن
المعلومات الى عندى عنه لان مافيش معلومات عنه في كتاب د\عبد العزيز صالح ولا لاقيت له على النت
هو كائن له راس ادميه وجسد ثور وزيل الحيه الكبرى وجناحان (اجنحه الصقر حورس)
نحت هذا التمثال في عهد الملك ساحورع
وهو من الاشياء المستحدثه في الاسره الخامسه

انا لاقيت صوره بالمواصفات دى في كتاب تاريخ الفن بتاع د\على رضوان
ص 159 هتلاقوا اول الصفحه فوق على شكل برواز فيه الصوره وياجماعه علشان ماحدش يلوم عليا ده اجتهاد شخصي انا عملته اثناء البحث عن الصوره
وكده انا عملت الى عليا اوى
وال مش لاقي صوره لابو الهول هيلاقيها في كتاب احمد فخرى بتتاع العماره ص 204

اتمنى انكم تستفيدوا

ثنك يو اية كتير

ميرسي

لفت انتبااااااااااااه
ياجماعه ا انهرضه 10 يعنى خلاص هانت وبدا العد التنازلى للامتحان ياريت حبه تركيز

بكره في محاضره مهمه لطلبه الفرقه التانيه قسم مصرى عن المجتمع بكره اخر محاضره ف الترم كله وهتقول فيها شكل الامتحان وازاى الاسئله بتيجى

لاقيت موقع جميل جدا ادى اللنك اهو
http://www.toutankharton.com/-rubrique170-

تسلمى يا اية ع مجهودك الرائع ده بجد ربنا يخليكى يارب ...........

السلام عليكم
انهرضه هاقولكم على المخلص بتاع اخر محاضرات د\طارق للناس اللى مش عارفه او عارفه وبتهيس هو بيدرس ماده اثار وعماره مصريه قديمه
بالمناسبه قبل ما ادخل ف التفاصيل الامتحان بتاعه ساعه ونصف بس مش 3
ثانيا
هو قال
في نوعين من الاسئله نوع اسئله عاديه يعنى مثلا تكلم عن المجموعه الهرميه للملك خفرع .ده على سبيل المثال
والنوع التانى هيبقي اسئله عرضيه يعنى هيسال مثلا تتبع تطور العماره الملكيه من ضوء منهجيه علم الاثار
النوع ده هيتجوب بالشكل ده
1-وصف الاثر
2-اراء العلماء فيه
3-التعليق العام عنه
4-الميزات الجديده فيه والعناصر اللى اختفت فيه
ده اسلوب الاجابه وعلشان الناس الموسوسه هو الى قال الكلام ده بالضبط وال مش متاكد يسال حد بس يكون بيفهم حضر المحاضره
ده كان جانب
ثالثا
قال الحاجات المهمه اللى من الاخر تتذاكر عن ظهر قلب
1-تطور بناء المقبره الملكيه الاسره 1،2 على سبيل المثال على سبيل المثال شكلها الخارجى والاجزاء االداخليه تشمل لممرات والغرف وحجره الدفن والدهاليز
ومعنى تحديده للاسرتين 1و2 مش دول بس الى هيجيواا علشان ماحدش يشيلنى ذنبه
2-تطور المجموعات الهرميه (العناصر بتاع المجموعه والهرم ومحتوياته)
3-مقابر الافراد(حسي رع)
4-معابد الشمس(عناصرها المعماريه-تخطيطها)وقال انه المعلومات بتاعت المعابد في سيدتوفيق- ورق القراءات
(معبد وادى-معبد رئيسي(تل-مسله-مذبح-مقاصير)-طريق صاعد) مع ذكر الفروق بين المعابد
5-المجموعات الهرميه(سنفرو(الهرم منكسر الاضلاع)-خفرع)
وطبعا اكد على رسم المساقط وقال انها موجوده في سيد توفيق-احمد فخرى

كده انا عملت اللى عليا ويارب تكون ناس هتسفيد ويارب اكون عرفت اوضح لكم
وسلاممو عليكم

طيب مزيكا تنفع مع طارق ولالا وازاكره منين اصلا

مزيكا مع زكيه بتجيب تقديرات ده كلام سنه تالته
لكن طارق مافتكرش هو قال انا بقرا 40 ورقه وبعرف الاسطنبا بتاعت مازيكا واخرهم معايا بعد العك الى بيعكوه جيد

تنبيه هام !!!!!!!!!!!!!!!!!!!!!!!!!!!!!!!
دكتور طارق قال عاوز على الاقل مسقطين بلنسبه للسؤال بتاع تتبع تطور
حاجه كمان
القصود بمصطبه حسي رع ليست مصطبته فقط ولكن سوف يتم ذكر كل مايخص عماره الافراد نقول امثله عليها وبيشدد على االمساقط
حاجه كمان
بيقول لما مثلا نيجي نتكلم عن معبد وادى او جنائزى لاى مجموعه نرسم جنبها شكل المعبد هو من الاخر عاز يشوف فهم الطالب مش الدش والحفظ وعاووز ورقته تكون نظيفه من غير عك ورغي كتير


وسلامو عليكم
وانشاءلله اتابعكم والجديد

شكرا يا ايه ع المعلومات الحلوه دى
بس عيزه اسالك سوال ؟
ايه اللى حصل ف محاضره احمد سعيد وزكيه النهرده يعنى ايه اللى اتلغه وكده؟؟؟

د\ زكيه مالاغتش حاجه وقالت للعيال خساره فيكم المراجعه ووقفت للناس الى مش عارفه لحد الاسره الثامنه
د\احمد سعيد
لسه ماخلصش المنهج وقال هاجيبكم محاضرتين كمان ولو عاوز اجيبكم هاجيبكم حتى ليله الامتحان
وبالنسبه للى هايتغلى
شكله كده مش ناوى يلغي بسبب حوار مزيكا ده
وررررررررررررررررررربنا يستر

ههههههههههههههههههههههههههههههههههههه

ايه السعاده دى
طب خدى عندك بقي
1- في حاجات سليمان شرحها وزكيه لاغتها والعكس
2- الامتحان موحد ياقمر
3- زكيه قالت للعيال 10% اللى هينجحوا
ماتقطعيش الابسامت يا حبيبه هارتى

هههههههههههههههههههههههههه اهوه مقطعتهاش 10% مش كتير دول ولا انا متهياقلى كفاية واحد بس ناجح علشان ننبسط اكتر
ههههههههههههههههههههههههههههههههههههههههههههههههههههههههههههههههههههههه

hhhhhhhhhhhhhhhhhhhhhhhhhhhhh
we rabna enty dima3` ya ima 3mala dima3`
hhhhhhhhhhhhhhhhhhhhhhh

الحقيقة مزيكا كويسة فى د/ زكية و جامدة و انا معتمد عليها بس هى واقفة لغاية الاسرة الخامسة للاسف فلو حد يعرف حاجة تانية الواحد يذاكر منها اخر 3 اسر ياريت يقول و خاصة ان الامتحان معظمه بيقى منهم ( ماعدا كتاب عبد العزيز صالح)

ياجماعه حد يعرف امتحان الرسم المعمارى هيجى ازاى وكام سوال فيه؟
وهو الساعه 10 هيكون ولا بعد كده
الرد ضرورىىىىى وشكرا

اربعه ايزوماترك
ومجموعه من المجموعات
الامتحان هيبقي نسخه من بتاع امتحان الترم
ومن الاخر كده كلام في سرك ال هيجي ف الامتحان ده اكيد مش هيجي ف امتحان الترم يعنى هنبقي عارفين االامتحان جاى ازاى

محدش جاوب على سؤالى يعنى

نذاكر منين لد/ زكية اخر 3 اسر؟

من كتاب سليم حسن الجزء الاول

يا جماعه د/احمد سعيد لغى ايه النهرده؟
وقال ايه عن الصور ونظام الامتحان؟
ميرسيه ايه ع الرسم المعمارى

اقولك انا ياواجعه قلبي
د\احمدسعيد بدايه كده مالغاش غير 6 صفح بالعدد
وهاقولك على الصور كلها لو مش نهرضه بالليل يبقي بكره الصبح

اقولك انا ياواجعه قلبي
د\احمدسعيد بدايه كده مالغاش غير 6 صفح بالعدد
وهاقولك على الصور كلها لو مش نهرضه بالليل يبقي بكره الصبح

هههههههههههههههههههههه
ماشى اما شوفك يا كتكوته هههههههههههههههههه
طيب ونظام الامتحان ايه؟
شكرا يا ايه ربنا يخليكى يا كوكو

مابلاش كوكو دي

ودلوئتى انا جيت ومعايا الصور
واقول بسم الله كده
1-جزء من اناء من الفخار (في جلد الكتاب)
2- صــــــــــــــــــ 45(ادوات ليفوازيه وموستيريه)
3-صــــــــــــــــ48(فينوس)willendorf
4-صــــــــــ51 كهف لاسكو
5-صـــــــــ56
6-صـــــــ61 راس ادميه
7-صـــــــ77 الالهه الام سيده البدارى

الاشكـــــــــــــــــــــــــال (يعنى للناس الناصحه وهما عارفين نفسهم اخر الكتاب)
أ-صـــــــــ124 نماذج من فخار الفيوم
ب-صــــــ126 كؤوس من المرحله التاسيه
جـ -صــــ129 ادوات ومنحوتات البدارى
--صـــــ135 تمثال لسيده ومشط من العاج
د-صــــ137 نماذج من زخرفه فخار نقاده التانيه
هـ -صـــ150(صلايه جرزه-حيوانات الشمس)
و-صـــــ151 مناظر مقمعه الملك العقرب
ز-صــــ153 اشكال الصلايات (صلايه نعارمر)
ح- صـــ154 بعض مناظر مقبره هيراكونبوليس
--صــ161بطاقه عاجيه من ابيدوس
--صــــ166طبق بخطوط بيضاء
--صـــ169 مناظر المشط العاجى للملك الثعبان جت


لقد تفضل الدكتور بحذف الاتى
من صـــــــــ26-30
ومن صــــ36-37
وشدد ع انه لابد من مذاكره الاتى بدمجهم مع بعض (الاسره صفر -المراحل االتاسعه للوحده-سمات عصر التوحيد)
حاجه كمان قال انه مش هيجيب اسئله عرضيه وده مش موثوق فيه بصراحه يعنى بنسبه 35%
وكده حلو اوى
كفايا عليكم

د/احمد خلص خلاص
وورق الرسم المعمارى هيتسلم اول يوم امتحان بعد الامتحان لما يخلص ان شاء الله
وربنا يوفقنا