لعبة بيت العيلة جميلة‏

انا جايبالكوا لعبة جدبدة ويارب تعجبكوا هى منقولة للامانة

الموضوع إن البيت بيتك من النهاردة بقى عبارة عن لعبة جميله وهى عبارة عن :.

إن كل أعضاء جروب المنتدي يكونوا اخوات فى بيت العيلة كلنا فى بيت عيلة واحد
بس ايه الجديد إن هايكون فى بيت العيلة بتاعنا خناقات ومشاكل وحوارات بس لذيذة جدا وممتعة جدا


مثال :

س : واحد هايصحى أخوه من النوم ويقولوا قوم أعملى فطار عشان أنا جعان

ج : اللى بعده يقولوا سيبنى أنام شوية ياعم انتا مبتشبعش وطى التليفزيون شوية

س : اللى بعده هاتقول لأ انا بحب الفيلم ده بتاع اسماعيل ياسين فى البوليس قوم نام ف الأوضة التانية

وهكذا ويارب يعجبكم وعاوزة رايكم بصراحة

كده اللعبة مفهومة قول اللى ييجى على بالك بس أهم حاجة نحافظ على الأخوة اللى بيننا
وتخيلوا كأنكم فى بيتكم وعاوزين نشوف ايه اللى هايحصل

مـــــــــــــــــاشـــــــــــــــــــى

أنا هأبدأ الأول

انا عطشانة اوى حد يروح يجبلى بيبسى

لعبة جميلة اوى يابنوتة.
ماتقومى تجيبى لنفسك انا مش قادرة اقوم
وابقى هاتيلى معاكى واحدة

تسلمى لعبه جامده
بلاش ببسى كل مره بتجيبوه حرام عايزه تفاح

اللعبة حلوه فعلا
بلا تفاح بلا بتاع شحات وبيتامر خودوا انتوا البيبسى وسيبولى التفاح

حلوة اوى يا بنوتة.....................
لالالالالالالالالالالالالالا انا عايزة التفاح و بابا قال محدش يجيب بيبسى خالص علشان مضر و بعدين متتامروش مش شحات و عايز قيزر................

لا بيبسى ولا تفاح ولا قيزر مش عاوز وجع دماغ انا عاوز انام العبوا بعيد يلا

لا مفيش نوم علشان فى تنظيف دلوقتى

تنظيف اية بس روح انت نظف لوحدك و ملكش دعوة بينا..............

لا بتكلميه كده ليه انا كمان عايزة البيت يتنظف

ولى اقولك يلا انام انا كمان بلاش نتظيف انهردا يا بنوته

ماتيجوا نخرج شويه بدل القعدة فى البيت؟

ومالها قعدة البيت فلة عالاخر ده حتي الواحد هينتحر اهو

بس انا عايزه اخرج وزهئانه حد يعزمنى ع سينما واكل من بره

يعزمك ايه دا انا اللى عاوزة اللى يعزمنى وبعدين سينما ايه وكلام فاضى ايه خلونا نروح الملاهى دى حتا الافلام اللى نزلة مش حلوة

ملاهى ايه انتو عيال ال ملاهى ال

يلا نروح النادى علشان فى عيد ميلاد

عيد ميلاد مش كنت قلت من زمان علشان الواحد يرتب قبلها نفسه ويشترى هدايا اهو علشان كدا حتدبس انت فى شرا الهدايا

لا لا هدايا ايه احنا عوزين نوفر الفلوس علشان نشترى البلاى ستيشن

ماشى بس انا عايزة اخرج شوية

خروجه ايه دا عايز يوفر الاستاذ والخروجه عايزلها اكيد فلوس

لا مش عوزين نخرج انا زهقان وفى ماتش انهردا

ماتش واحنا مالنا فى فيلم مرعب انا عايزة اتفرج عليه ال ماتش ال

رعب ايه المتش اهم ده هيلاعب الزمالك

بلا زمالك بلا بتاع دا فريق حتى سكه يعنى متش اى كلام الفلم احلى

بلاش الفيلم وبلاش تليفزيون علشان الكهرباء كتير وعلشان هروح اشغل الكمبيوتر ال فيلم ال

كهرباء طب هنقفل الكهرباء بتاعت الشقة كلها علشان ماتفتحش الكمبيوتر وخليها ضلمه ولما نشوف البخل بتاعك دا هيودينا فين

ظلاااااام لا لا علشان اى حد يفتكر ان مفيش حد فى البيت ويطلعوا يسرقوا اى باكو بسكويت من على المكتب

هو انت فاتح المكتب بقالة اتفضل نظف المكتب من اللى عليه يا استاذ بدل ما اقول لماما وتيجى تضربك

ههههههههههههههه تضربنى لى هو انا سوما نسيتى العلقه بتاعت امبارح ههههههههههه

وبعدين مفيش افلام برضوا

لا احنا هنتفرج علي الفيلم اللي عايز الماتش ينزل القهوة ملناش دعوة يلا برة بلاش صداع

مين عايز سندويتشات جبنة رومى فى الفرن انا قايمة اعمل

ويلا حد ينزل يجيب مكسرات من المقلة عشان نتسلى و احنا بنشوف الفيلم

يلااااااااااااااا اتحركواااااااااااااااااااااااا

لعبه حلوه أوى يابنوته تسلم ايدك

روحى انتى المقله وانا حعمل الاكل انتى كل مره بتحرقى السندوتشات

انا بحرق السندويتشات ماشى ورينا انتى هتعمليها ازاى

وبعدين انا مش هروح المقلة لوحدى حد يجى معاااااااااااااايا مليش دعوة

انا رايح معاكى واعملوا حسابى فى السندويتشات وبالمرة نجيب حاجه نشربها

اوك يلا بينا بس اعمل حسابك مش هنروح المقلة اللى تحتينا علشان وحشة

وهتودينى فى تاكسى ع حسابك المقلة اللى فى اول روكسى

يلا كل حد يقولى عايز نجيبلة اية يشربة او ياكلة؟؟؟

هههههههه انا عايزة ميرندا تفح ولو مالقيتوش دوروا عليها لحد ماتلاقوها ومش حتدخلو البيت من غيرها وياريت تخلى عمو اللى واقف فى المقل يكتر اللب الابيض علشان انا بحبه اما نشوف حتعملو دا ولا هطنشونى

انا متعملوش حسابى علشان هطلب بيتزا بس حد غيرى هو اللى هيدفع انا مفلسة ................

طيب مفلسة هتشتري بيتزا ليه وكمان دي بتزود الوزن جامد اوي

يلا هاتيلى معاكى كريب كفته وخلي الراجل يكتر الكاتشب واياك متجيبيهوش والة ماهدخلك من باب الشقة يلا بسرعة جعانة لا الا هفترسكوا ههههههههههههههههههه

انا عايزه كريسبى وياريت يكون سبايسى ولو مش لاقيتى هاتيلى اى حاجة سبايسى وياريت مش تتاخرى علشان انا هامووووووووووووووووووت من الجوع
ههههههههههههههههههههههههههههه

ايه الطفاسة دي كلها يلا يابنتي روحي البيت عشان ماما عايزاكي بسرعة

لا مليش دعوة روحيلها انتى قوليلها نايمة
يلا قومى هاتيلى كوباية مية قومى خلصي

ميه اية بس كفاية شرب ميه كده و بعدين قومى انتى الحمد لله لسه عندك رجلين اول ما تفقديهم اوعدك انى هجيبلك ميه اوعى تنسى تجيبى معاكى الغداء بتاعى...............

غداء ايه احنا معزومين كلنا بره على حساب شيماء وبعدين محدش ينسى يجيب برشام الصداع

طب كويس مادام معزومين خلاص بقى يا كيوتى احنا هناكل برة على حساب شيماء ربنا يغنيها كمان وكمان انا سمعت ان معاها فلوس كتير وبقولك ايه يارومان اللى عاوز حاجه يجبها وانسى الصداع دة دلوقتى ويلا علشان العزومه ماطرش

انا لبست انتوا لسه طبعا ع ما تفكروا تلبسوا يكون الليل جه يالا بقى بسرعة انا هنزل اسخن العربية ........................ع فكرة انا اللى هسوق لكن انت لالالالالالالا و بابا هو الللى قال كده...................

بابا هو فين صحيح نزل الشغل بدري ولسه مرجعش

بابا هيحصلنا ع هناك بس ياريت احنا بقى نلبس بسرعة يالا

انا لسه عايزة انزل اشتري لبس اهو اسلي وقتي وخلاص

لا لا لبس ايه العزومه هتروح وبعدين احنا هنخدها مشى

مشى اية ده لا يمكن انت بتتكلم ف اية ممنوع النقاش و انتى يالا بسرعة انا ممكن اديكى طقم من عندى لكن مافيش وقت تشترى اصلا .........