يالى فاكر الدنيا دى كلها ليك
والناس واقفة تحيى معاليك
يقولولك اعطف علينا الله يخليك
يالى شايف الناس صوتها مبحوح
سامع صوتهم مطرح مطروح
منهم المصاب والمريض والمجروح
يالى ماشى وسط الناس رافع الراس
بص هتلاقى فى حد تحتك بيتداس
الفقر والجوع عندهم هو الأساس
فيه شباب ممكن يكونوا لبلدهم بشارة
بس الظروف الصعبة خلتهم خسارة
ينحرفوا ويملوا قلوب الناس مرارة
الكره والحقد فى الناس مالى القلوب
فلوسهم كترت وملت الجيوب
اتملت قلوبهم طمع وعيوب
قرب منهم وريهم أجمل إحساس
خلى حبك ليهم هو الأساس
رحمة ربنا على الكريم ماليها حدود
وعطفك على اليتيم أكيد من ربنا ليها مردود
هتكون فى دنياك واخرتك واحد مسعود
لكن البخيل أكيد هيروح على النار مشدود
أخرته هتكون هناك وعذابه موجود
ربنا قسم الجزاء بين جنة ونار
اختر جزاءك وخليك مع الأخيار
وكانت دى قصة دنيا على حال الناس
الأحد 19 يوليو 2009 - 4:06
