حلاويلا يا حلاويلا ل احمد فؤاد نجم

المشرفين

حلاويلا يا حلاويلا .. يا خسارة يا حول الله

ده الثوري النوري الكلمنجي .. هلاب الدين الشفطنجي
قاعد في الصف الاكلنجي ... شكلاطة و كاراميلا ..

يتمركس بعض الايام ... يتمسلم بعض الايام
و يصاحب كل الحكام .. و بسطعشر ملة ..

حلاويلا يا حلاويلا .. يا خسارة يا حول الله

يا حلاولو لو شفتو زمان .. مهموم بقضايا الانسان
بيتكتك لتقول بركان .. و لا بوتجاز و لا حلة ..

حلاويلا يا حلاويلا .. يا خسارة يا حول الله

اش حالك يا قريب اليوم .. اش جاب التفاح للدوم
و اش جاب الغرفة ببدروم ... للعربية و فيلا

حلاويلا يا حلاويلا .. يا خسارة يا حول الله

جرانين و منابر و ادارة .. و معلق طلبة و زمارة
يعطل أهو بيسلك يابا .. و يجيبوا المنافيلا

حلاويلا يا حلاويلا .. يا خسارة يا حول الله

دا ترستق هلاب الدين .. بقى عاقل جداً و رزين
و يعن عند المجانين .. إن عشنا و متنا بعلة

حلاويلا يا حلاويلا .. يا خسارة يا حول الله

========================

الله الله شكراااااااايا دكتور على القصايد الجامده دية ....................

المشرفين

الشكر كل الشكر لعمنا احمد فؤاد نجم

اثرى كبير

عنده حق والله

» قصيدة الممنوعات ل احمد فؤاد نجم
» قصيدة دا شعب فقرى ل احمد فؤاد نجم
» قصيدة عشان انت مصرى لعمنا احمد فؤاد نجم
» قصيدة ل عمنا احمد فؤاد نجم بمناسبة عيد ميلاد الريس
» ( البـتـــاع ) من أعمال : أحمد فؤاد نجم