سؤال فى الاقسام

انا كنت عاوز اعرف فى قسم ارشاد سياحى ولا لا فى اثار ولو فيه ايه شروطه وكنت عاوز اعرف ايه قسم اثار مصرية بالفرنساوى ده وايه شروطه

اولا اهلا بيك معانا فى الكلية
ثانيا مافيش قسم ارشاد فى الكلية لكن موجود فى كلية سياحه وفنادق ولو عاوز تبقى مرشد ممكن تدرس فى الكلية قسم مصرى او اسلامى وتتقن لغة معينة وتاخد كورس ارشاد ساعتها ممكن وانا شايفة ان كليتا تخصص اكتر
ثالثا قسم مصرى بالفرنساوى ده بيكون للطلبة اللى من مدارس فرنسية اصلا ودول بياخدو بدل الانجليزى فرنساوى وبدل القرات الاثرية بالانجليزى بيدرسوها بالفرنساوى
يارب اكون قدرت افيدك وربنا معاكو

طيب كنت عاوز اسال ايه مادة لغة اوربية حديثة

للتوضيح بس .. مافيش حاجة اسمها تاخد كورس ارشاد سياحى وتبقى مرشد .. زمايلنا كتييييييير اوى كان نفسهم فى كدا لكن سألوا وعرفوا انه مش ينفع ..لكن فى حاجة اسمها تاخد دبلومة فى كلية سياحة وفنادق قسم ارشاد ودى بتكون غالية ولمده سنين او اقل .. ومش عارف فى السنه كام الف ..ده لو اتقبلت هناك اصلا لان بردك زمايلنا راحوا سألوا عليها تانى قالوا انتوا مالكومش دبلومة فى سياحة وفنادق دى لابناء الكلية بس يعنى تبقى فى قسم وتعمل دبلومة فى قسم تانى ................والله اعلم