اطلب المساعدة ضروري

اانا طالبة في سنة اولي قسم اسلامي كنت تايهة شوية التيرم الاول في الكلية لكن اتظبت علي الامتحانات وجبت جيد الحمد لله اما التيرم الثاني بدات مذاكرة من الاول وقرات كتب زيادة وجبت جيد جدا الحمد لله لكن بصراحة انا طموحاتي اعلي من كدة بكتير ونفسي اجيب امتياز واتعين معيدة وده حلم حياتي ونفسي يتحقق وانا كتبت الرسالة دي علشان طلبة كلية الاثار الاكبر مني ينصحوني ويقولولي اعمل ايه عشان احقق حلمي

اولا الف مبروك على النجاح ويا رب تزيدى اكتر واكتر

ان شاء الله ربنا هيوفقك وتحققى حلمك طول ما انتى مصممه وبتتعبى يبقى ربنا مش هيخذلك ابدا
بالتوفيق ان شاء الله

شوفى هو قسم اسلامى سهل جدا بس مشكلته انه متشعب شويه وداخل فيه وحاجات تقيله على العقل بس مش صعبه زى قسم مصرى كل اللى انصحك بيه انك تحاولى تقرى اكتروما تركزيش على الكتب بتاعه الكليه وبس لا اقرى ابحاث بعيد عن الكليه زودى خبرتك الشخصيه مع تركيزك فى موادك وتقديراتك وربنا هيكرمك ان شاء الله

بصى يا حبيبتى اعتقد ان اى انسان عندة حلم وبيحاول يحققة بيعدى علية كتير من الصعوبات والتعب وانا شيفة انك اتحسنت كتير فى الترم التانى على حد كلامك حاولى تذكرى اكتر فى السنة الجاية باذن الله وتقرى اكتر فى كل الكتب وربنا ان شاء الله يوفقك
ولو قبلتك اى مشكلة او عوزتى اى حاجة انا فى الكلية معك ان شاء الله وهساعدك فيها

الف مبروك ع النجاح ويارب دايما في تفوق
بالنسبه للمذاكره مش بعدد الساعات المهم تركزي جدا في الوقت اللي بتذاكري فيه
حاولي تفهمي اسلوب كل دكتور ده هيريحك كتير اوي في المذاكره وباقل مجهود هتحققي اللي تتمنيه
كمان استعيني بربنا قبل المذاكره واساليه التوفيق
وربنا معاكي

شكرا جدا علي نصائحكم وان شاء الله هاعمل بيها ومحتاجة دعواتكم ووقوفكم بجانبي