نكت جامدة 3

واحده متزوجة محشش قالت له قول لي كلمه حلوه قال لها بسبوسه
قالت له يا اخى قولى كلمه تهزنى قال لها مرجيحه
قالت له قولى كلمه احس فيها انى مرتك قال لها انتى طالق

مرة إتنين مساطيل راكبين عربية فواحد قال للتانى : حاسب قدامك شجرة فالتانى مردش عليه فعلى صوته شوية : قدامك شجرة برضه مردش عليه فقاله : حاسب قداااامك شجرررر .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟

واحد بيقول لمراته ... انا النهاردة عايز رومانسية فى البيت ... راحت الزوجة سألت امها :
يعنى ايه رومانسية ؟؟ الام : مش عارفة بس احتياطى إنقعى الرز

مره واحد بلديتنا لقى خاتم سليمان جه يدعكه فعص العفريت
واحد بلدياتنا اشتري راديو حط فيه حجرين المذيع اتسطل

واحد صعيدي حب يصطاد ارنب - قلد صوت الجزر
مرة واحد بلدياتنا الباب افل على صباعه الباب ازرق

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

مرة سمكة مشية فى المية خبطت في سمكة تانية قاتلها معلش اصل الميه دخلت في عيني

غبى سافر بره خمس سنين متواصلة لما رجع القاهرة لقاهم بيحتفلوا بسبوع أبنه بقى ماشى فرحان أوى ويقول موجودين بنخلف مش موجودين برضه بنخلف

غبى مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه

كسلان دخل الامتحان وقع منه القلم ........‏سلم الورقة

مرة واحد باع اللى وراه والى قدامه وا شترى اللى جنبه

واحد يهودي قام من النوم الصبح وطلب من مراته تحضر الفطار
فقالتله عايز تفطر إيه يا أبو كوهين، قالها هما بيضتين مسلوقين،
واحدة ليكي والتانية ليا، وإعمليهم لغاية ما أطلع على السطوح
اعدل الإيريال.... وإوعي تنسي هما بيضتين
المهم طلع على اسطوح إتزحلق ، وقع من عاشر دور
وهو بيقع زعق بعلو صوته
" بيضة واحدة بس يا أم كوهيييييييييييييين

واحد ماعندوش غير ضرسين قدم على وظيفه عينوه خرامه

مره واحد ابنه طلع من الأوائل
.......... شفروه

خبير ارصاد جويه ... ‏اتجوز وخلف بنتين الكبري 27 ‏والصغري 13

واحد ندل جورج قرداحي اتصل بيه وقال له معنا صديقك وصل نصف مليون ريال محتاج
مساعدتك قال: قل له نايم

مرة واحد غبي راح حديقة الحيوان فضل واقف امام قفص النسر عدت ساعة والثانية و الثالثة الحديقة هتقفل رحله الحارس وقلة انت و اقف ليه كدة من الصبح ,, الغبي قاله ادفع نص عمرى و اعرف بيختمو بيه الورق ازاى

كان في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي يلاقى الارانب اكلت الجزر كله وهكذا كل يوم لحد مل زهق قرر انه يروح مزرعة الارانب وجاب شاكوش وكسرلهم كل اسنانهم جه تانى يوم الصبح برده لقى الجزر بتاعه حد اكله راح عند الارانب ومسك واحد منهم وقاله انتوا واديتوه الجزر فين قالوه :عملناه عثير وثربناه

مرة نملة ماشية بتعيط فمسكها راجل على كفه وسألها "انتي بتعيطى ليةيا نملة؟" قالتله "علشان بابا وعيلتى كلهم ماتوا" حط كفه على كفه وقال "لا حول ولا قوة الا بالله

فار وخطيبته ماشيين,شاف الفيل فحب يعمل منظر اودمها,فقعد ينده علي الفيل ويقولو "خد يا فيل انت أيوة انت يا عجل" واقعد يهزء فيه تاني يوم راح للفيل وقالو "معلش سامحني انا كنت بعمل منظر قدام خطيبتي وهطلع أبوس دماغك" وهو فوق دماغه لقي خطبيبته معدية قالوا يعني أكسرلك دماغك دلوقتي

صرصارين في العناية المركزة الاولاني بيسأل التاني بيرسول قالة التاني لا قبقاب

مرة 2 مساطيل قاعدين
فواحد قال للثاني
"هما ليه سمو قناة السويس بالاسم ده
فرد عليه الثاني و قاله .....
"علشان المراكب بتمشي فيها بسويس بسويس

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه

كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا

واحد مسطول كان حيخبط واحدة بالعربية . قالتله انت ماشفتنيش . قالها
أيوه شفتك بس مش فاكر فين؟؟

جماعة صعايدة زهقوا من كتر ما بيقولوا النكت فقرروا إن هما يرقموا النكت فبدل ما يقولوا النكتة يقولوا رقمها وبكدة يفتكروا النكتة ويضحكوا عليها .. فكانوا قاعدين علي القهوة في يوم فواحد منهم قال: نكتة رقم (7) فكلهم ضحكوا شوية ماعدا واحد قعد يضحك كتير فسألوه بتضحك كتير لية قالهم: أصلي أول مرة أسمعها.

ظابط مرور لقى بقه ضيق عمله إتجاه واحد

ايه الفرق ما بين البرتقال والتفاح....الاتنين اجازة حلاقين

واحد صعيدى لقى مصباح علاء الدين قعد يدعك فيه لحد ما جاب للعفريت تسلخات

دكتور اطفال اتجوز دكتوره اطفال نزلوا خبر جوازهم فى مجله ميكى

واحد مسطول راكب طيارة. خبط علي كتف المضيفة و سألها الحمام فين؟ قالتله الناحية التانية.راح عالكتف التاني و سألها الحمام فين

مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما

ليه بلدياتنا مبيكلش الكباب؟
عشان السيخ بيقف ف زوره

مرة واحد بلدياتنا قطع تذكرتين فى الأوتوبيس ، سأله اللى جنبه ليه قطعت تذكرتين ، قال له عشان لو تذكرة ضاعت يبقى معايا واحدة تانية ، قال له طب لو التانية ضاعت تعمل إيه قال له طب ما أنا معايا أبونيه

هههههههههه والله نكت حلوة اوى ايوه كدا خلو الواحد يفك بقا شويةقبل الامتحانات

ههههههههههههههههههههه والله حتي لو فك شوية بيرجع ويتنكد تاني المكتوب مفيش منه مهروب

جالى كحة من كتر الضحك لا حلوييييييييييييييين

ممكن تكونى مونولوجست هايل

ههههههههههههه مش قوي كده