احنا اسفين يا حكومه

النقد للحكومه و مبارك بقي كل يوم في الطالع


و أنا من موقعي هذا أحب أن أدافع عن حكومتنا الذكيه الرشيده و أوضح بعض النقاط التي قد تكون غائبه عن منتقديها
المعارضه بتقول المبيدات المسرطنه الي جابت سرطان للشعب المصري أرد و أقول بلاش افترا اتقوا الله
الموضوع ان وزارة الزراعه بتشغل وزارة الصحه
وزارة الزراعه تستورد المبيدات المسرطنه و الشعب يصاب بالسرطان فوزارة الصحه تمارس دورها و تعالج الشعب المصري الاصيل
المعارضه بتقول انتشار الرشوه و الفساد الاداري في مصر
شوفوا الظلم بقي طبعآ الكلام ده لا اساس له من الصحه بتوع المعارضه هما الي نيتهم وحشه فين الرشوه دي
دول هداياااا للموظفين الحكومين من اخوانهم المواطنين المصريين و زي ما احنا عارفين احنا اسره واحده في وطن واحد
ايه المشكله ان المواطن المطحون الي مش لاقي ياكل و عنده مصلحه في جهه حكوميه يهادي اخوه الموظف الحكومي الي بياخد مرتب
علشان خدمه المواطن ده
و المحبه بين افراد الشعب المصري و كده الحكومه بتخلق نوع من الاخاء
نيجي بقي للأقوال و الشائعات المغرضه الي بتقول في أزمه في رغيف العيش و السلع الغذائيه الأساسيه المدعمه فيها نقص
و غلاء في الاسعار و انخفاض في الدخل
مش عارفه الناس الي معندهاش ضمير دي عايزه ايه من الحكومه الي مقطعه نفسها علشان خدمة الشعب
طبعآ كلنا مؤمنين صوموا تصحوا و ان في الصيام صحه الحكومه المؤمنه بتطبق المبدأ ده عايزه الشعب صحته تبقي تمام
كمان لاحظت انتشار الكروش بين مختلف فئات الشعب المصري فقالت تمشي الشعب علي ريجيم قاسي من اجل تحسين
صحة هذا الشعب

و نيجي بقي لموضوع حواث القطارات المصريين الي بيموتوا بالآلاف في الحوادث دي
الحكومه بتبعت ابناء هذا الشعب المكافح شهداء ابرار الي جنة مش فاهمه الشعب عايز ايه من
يعني مهنياهم دنيا و اخره
يعني تفتكروا حكومتنا الذكيه المتفوتره عاجزه عن توفير فرص عمل لاء طبعآ يقولوك في بطاله في البلد قادره وكل حاجه وهدفها
تقوية الروابط الاسريه بس الحكمه من البطاله هو
الراجل يفضل قاعد في البيت جنب مراته و عياله و يبقوا اسره سعيده مترابطه مش احسن مايسيبهم كل يوم و يرجع تعبان من الشغل
الحكومه ذات القلب الرحيم مش عايزه تحرم طفل من ابوه ابدآآآ
مصر علي شفا قيام فتنه طائفيه بين المسلمين و المسيحين في قله منحرفه بتتكلم عن ان
احب قول ان ده مش هايحصل ولا انتوا مش بتقروا جرايد حكوميه و تشوفوا شيخ الازهر بيبوس البابا شنوده و هو مسبله عيونه
ولا بتشوفوا الشيوخ ماسكين ايد القساوسه في منتهي الرقه والحنيه
أحب اعتذر للحكومه الشقيانه الغلبانه و اقولها معلش احنا شعب ابن شحيبر
و في الختام نغني كلنا
هشتكنا و بشتكنا يار يس ده انت رئيس و النعمه كويس
هشتكنا و بشتكنا يا ريس يا مشخلعنا يا مدلعنا