ازاي نحافظ ع الحب ونحل مشاكله‏

اولا معنى الحب
الحب هو مشاعر واحاسيس تنبع بين طرفين (الحبيب والحبيبه)وهو معانى كثيره المهم ان هو يكون حب حقيقى يعنى اخلاص وصدق واحترام مشاعر الطرفين واهم حاجه ان هما يكونوا بيفهموا بعض
وغير كده ان الحياه مش حب وبس، الحياه عمل وعباده وفعلا عشان يبقى حب لازم نرتقى بالحبيب ده لازم تقف جنبه ونخليه احسن من الاول سواء فى دراسته وعمله حتى فى التعامل التعامل مع اهله واصدقائه لازم يتغير للاحسن
ثانيا ليه معظم الناس بتخاف من الحب (من ناحية البنات خاصة)
عشان اصلا متعرفش تحب عشان البنت تقابل صحبتها تفضل تقولها شفتى اللى حصل فى المعهد او فى الشارع ده سبها ده بعها او اتخلى عنها الكلام ده بيدور فى اى حته بين بنتين عشان كده البنت بتخاف من الحب وفى نفس الوقت بيبقى نفسها تحب واحد يحس بيها وبمشاعرها وباحسسها ويخاف عليها ويطمن عليها دايما ويشاركها باحساس وحنان الام والاب حتى الاخ بيبقى نفسها يبقى كل حاجه فى حيتها وفعلا بتعمل اى حاجه عشانه
ثالثا ليه معظم الولاد مش بيفكروا يحبوا ويلعبوا بمشاعرالبنات
الولد بيفكر بتفكير كل الولاد نفسه يعيش وقته وخلاص يعرف البنت ويروح لكل اصحابه ان عرفت بنت وكلام الشباب بقى بس يوم لما بيحب بيحب بقلبه اوى ويوم لما بينسا حبيبته فعلا بيجى على قلبه وفعلا بينساها
ايه هى الشروط اللى تخلى الحب فعلا ناجح
1- لا يتعدى عن المعاملات الشرعيه
2- المحافظه عن الحب ده
3- عدم التخلى عن الطرف الاخر فى كل الاحوال
المشاكل التى تواجه الحب
1-عدم موافقه الاهالى عن الحب ده
2- تدخل اكتر من واحد بينهم
3- تدخل الصديقه وحبها للحبيب صحبتها (ودى فعلا معظم الشباب بيواجوا المشكله دى)
4-تخلى الحبيب عن حببته بعد فترة من الحب بحجه (ان انتى مفهمتنيش ومش قادرة تفهمينى ومش هينفع نكمل مع بعض)
5- تخلي الحبيبه عن حببها بحجه (ان فى واحد اتقدملى وهو اغنى منك وانت لسه قدامك مشوار كبير)
نمسك نقطه نقطه ونحاول حلها
1-عدم موافقه الاهالى عن الحب ده
ليه الاهالى ميوفقوش عن الجواز او الحب ده لازم الشباب يقتنع باسباب الرفض ده

2-تدخل اكتر من واحد بين الاحباب

التدخل بين الاحباب بيولد غيرة وعدم ثقه بين المحبين
3-تدخل الصديقه وحبها لحبيب صحبتها

لابد من حزم الموقف من اوله ودى مشكله معظم الشباب بيواجهها فى حياتهم ولازم طرف منهم هم لازم يضحى عشان خاطر الاتنين وكمان عشان الحياه تكمل بص المشكله بقى ان الصديقه تبعد عن صحبتها وتتمنلها الشر لازم الصديقه تضحى عشان صحبتها وتتمنلها السعاده
4-تخلى الحبيب عن حببته بحجه ان هى مفهمتوش ازاى بعد فترة من الحب والثقه والبنت عايشه على امل ان هى هتعيش مع حببها اللى بقيت حياتها متوقفه على الحب ده وفى الاخر مش هتعرفى تفهمينى ازاى
5- بعد فترة من الحب جيه تقول لحبيبها انا فى واحد اتقدملى وغنى وانا هوافق عليه
امال يابنتي حبيتى من الاول ليه وربطتى الانسان اللى حبك وعاش على امل انه هيبنى مستقبله عشانك ازاى تفكرى فى الفلوس وتسيبى حبيبك