امتحان الثانوية العامة لسنة 6610

وزارة هنديك بالشبشب


أختبار اللغة العربية
انشاء الله هنشوفك السنة الجاية يا باشا

وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================
هذا الامتحان برعاية بيبسي كولا
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))
===================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).

ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))



===================
السؤال الأول (20 علامة )

===================

قال ريكو في أغنية (( خلي الشعب يعيش )) مايلي :


راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش

===================

الأسئله

===================

1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 علامات)

2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 علامات)

3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 علامات)

4- استخرج من البيت الثالث صورتين فوريتين مبينا نوع الكاميرا (3 علامـات)



===================

مساحة خالية للإعلان- ت : واحد اتنين .. الجيش العربي فين


===================

السؤال الثاني ( 8 علامات )

===================

أعط أسباب ما يلي مع شرح وافي :
(( ياعم كبر يا عم بص .. ده حتى بص ده الواد بيلظ ))

===================

1- تم نقل السوق المالي إلى سوق السمك ؟ (2 علامـة)

2- إقبال الناس الى شراء نوكيا 9990 و عدم شراء نوكيا 9900 ؟ (2 علامـة)

3- إغلاق شبكة الأخبار PNN بعد زواج شارون ستون ؟ (2 علامـة)

4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 علامـة)



===================
*** أخي الممتحن أقلب الصفحة: والله لتندم عالساعة اللي دخلت فيها المدرسة ***


===================


السؤال الثالث –اختياري- (5 علامات)



اكتب الاسم المستوفى من السؤال



ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟

( ورد ذكر اسم هذا الرجل في اكثر من مسلسل تليفزيوني )؟ (5 علامــات)




===================



فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))


===================


السؤال الرابع (8 علامات)


===================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :


" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "



الأسئلة


===================

1-ماذا كان يريد ان يقول عمرو دياب للمزة ؟ (4 علامــات)

2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 علامـــة)

3- ما اسم صبي الخياط بتاع ام الموديل اللي كانت مع عمرو في الكليب ؟ (2 علامـــة)






===================

السؤال الخامس (20 علامة)

===================

موضوع تعبير



قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "



أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 علامة)



===================

بيبسي كولا

المشروب الرسمي لهذا الامتحان


===================






*** أخي الممتحن أقلب الصفحة أحسنلك (( اصلك مش عارف اللي فيها )) ***

===================



السؤال السادس ( 19 علامة )

===================


اجب عن أربعة فقط من الأسئلة التالية


===================

1- ما رأيك بتصرفات " رفيع " و " فرحة " في مسلسل الضوء الشارد ؟ (5 علامــات)

مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )



2- ما رأيك بموقف "حسام" من "سرية" في مسلسل الحقيقة و السراب ؟ (5 علامــات)



3- من برأيك أقوى وأفضل بوكيمون - هل هو – بيكاتشو ؟؟؟ (5 علامــات)



4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد

في كأس العالم الأخيرة في كوريا و اليابان 2002. (4 علامـات)




===================



عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً






===================

سؤال المساعدة ( لرفع العلامة ) ( 20 علامــة)
و ملهوش لازمة اساساً


===================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء



===================

انتهت الاسئلة و نلقاكم في امتحان الدور التاني انشاء الله
ربنا يعينكم علينا




مع تحيات بيبسي كولا الراعي الرسمي للأمتحان

ههههههه ده والى ينجح فى الامتحان ده ايه يدخل كليه البيبسى جامعه المشروبات الغازيه ولى ايه؟


لا بس فعلا حلو ربنا يطمنك والله شكلك وانتى بتكتبيه كنتى بتشربى بيبسى

شكرا يا رومان لا ما تخفش دة هزار ربنا معاك ان شا ء اللة خير

يارب وربنا معاكم بقا اوعى تكسفونا

اختبار اللغة العربية كان برعاية بيبسى امال اختبار الرياضيات هيكون برعاية ايه



موضوع حلو اوى بيفكرنى بامتحان الفيزياء والرياضة2 السنة اللى فاتت ايام سوداء يارب ما ترجع

ايام زمان حلوه بى كل حاجا لاكن الوحشه بنقول كويس انها عدت

اهى ايام وبتعدى وادينا عايشين

قلبت غناء

مالكو يا جماعة في اية الحمد اللة ع كل شي

الحمد لله ع السراء و الضراء و ربنا يستر ف القراءات انا حاسة انه امتحان ثانوية عامة و مش عارفة اعمل حاجة

يالهوووووووووووووووي قلبتي علينا المواجع يارنا احنا اصلا مازلنا في ثانوية عامة ده بالعكس عالاقل في الثانوية كنا عارفين هنمتحن في ايه لكن اللي احنا فيه دلوقتي لا يوصف هههههههه ربنا معانا

انتوووووووو ايه حتكرهونى فى اثار من قبلها ولى ايه؟

ربنا يستر

هههههههههههه انت لا سمح الله عايز تدخل كلية اثار بس عمتا والله كلية جامدة موووووووت كفاية الزيارات اللي فيها باستثناء المناهج لان كل الكليات صعبة

انشاء الله ادخلها
انا لو دخلتها انشاء الله حدخلها علشان حببها وحابب الاثار الفرعونى اوى
بس نقول انشاء الله برضوا

هههههههههه ان شاء الله "كل اللي دخل مصري كان عشان بيحب الفرعوني"

بس الفرعونى انا بحبه مش زى اى حد تحسى انى من ايام الفراعنه
بس بجد مش زى اى حد ومش بى اى طريقه

هههههههههههههههههههههههه يا سلام يا رومان مش كان الاول شرطة قلبتها مرة واحدة اثار
منا كنت بقلك نستناك في اثار تقلي لا هى شرطة
بقت حلوة اثار دلوقتى

انا بقول حبى للاثار ازاى لاكن مش معنى كدا انى علشان داخلها
وبعدين اانا وحظى بقا اثار ولى شرطه كدا حشوفكم وكدا حشوفكم

ههههههههههههههههههههههههه
الموضوع حلو جداااااااا تسلم ايدك

يلا ربنا يكرمك يمكن يكرمك بحاجة احسن منهم

ايون طبعا يا شيماء اثار بقت حلوة عشان احنا دخلناها

هههههههههههههههههه

وانا اقول لى ابوالهول بيفكر يهرب بى الليل على الصين

هههههههههههههههههههه اها عشان انت وقفت تحته كتيرررررررررررررررر زي الاهرامات فعايز يطفش

لا ما هو مش علشان منى علشاااان ......... ك

طيب عادي هو عايز يغير جو مش اكتر لكن هيحن ويرجع تاني لحضارته

بعد ما تتخرجوا حيحن ويرجع يقول كويس مشيوووو

هههههههههههههههههههههههههههه
هرب مننا احنا برضة
اصلنا وقفنا وتنحنالة نص ساعة صح يا رومان هههههههههههههههههههه

والله تلاقوه هرب من بعد اخر زياره ليكم له وهو بيفكر يهرب ومصدق هرب منكم

وحيرجع بعد ما تتخرجوا اكيد

وبعيد خلاص انتى ماشيه تسيحى لى فى كل مكان ههههههه ربنا على القوى