حد يساعدنى ضرورى

السلام عليكم ورحمه الله وبركاته

انا فى سنه اولى وحاسه انى مش فاهمه اى حاجه عن اى ماده ومش عارفه اذاكر ازاى ولا الامتحانات نظامها ايه وخايفه جدا
وبالنسبه للزيارات انا مش عارفه فيها اى حاجه ولا فهمت اعمل التقارير ازاى
وبالنسبه للمواد :
بالنسبه لدكتور الكحلاوى ناس كتير بتخوفنى من مادته اوى وانا مش عارفه اعمل ايه
وبالنسبه لماده مبادئ الترميم الامتحان ايه نظامه يعنى مثلا الامتحان هيكون شامل على اجزاء الاربع دكاتره ولا كل دكتور جزءه بيكون امتحان لوحده
وماده الانجليزى اللى الدفعه كلها بتقول انها مش فاهمه حاجه فى مادتها امتحانها بيكون شكله ايه
اعمل ايه فى ماده د. النبراوى وماده د.ناصر
فياريت حد يساعدنى ويفهمنى اعمل ايه واذاكر ازاى وايه نظام امتحان كل المواد مش المواد اللى قولت عليها

وعليـــكم الســلام ورحمــة الله وبركـــاته

بصـــى كل ده عــادى وطبيعى مش فاهمة حاجة ومش عارفة اذاكر طيب والمحاضرات طيب الزيارات طيب الكتور قال طيب ده المعيد فى الزيارة قال كل ده عشـــان سنة اولى واول تيرم فى الجامعة بس مع الوقت كله هيبقى تماااام
متقلقيش من أى حاجة وهتلاقى كتيــــر هيســاعدك فى كل اللى انتى عاوزة تعرفيه ان شاء الله

بالنسبه للزيارات انا مش عارفه فيها اى حاجه ولا فهمت اعمل التقارير ازاى !!

عايز اقولك ان اهم حاجه فى الكليه كلها الزيارااااااااااااااااااااااااااااااااااااااااااااات

حتى لو انت بتبصلها انها من منظور االغياب والدرجات وكده
بس هى دية اللى هتفيدك فى حيانك كلها وفى دراستك فى الكليه فى كل المواد لانك بتشوفى المكان الى هتتكلمى عنه بنفسك مش من خلال الكلام وبس
غير كدا متعتها والزيارات نفسها جميله جدااا خاصة الترم الاول اثار اسلاميه جميل جدااا واماكن تقريا أول مرة تشوفيها فحاولى تستمعتى بالاماكن كلهــا اللى بتروحيها

بس هى لازم تقارير عنها لان ليها درجات اعمال سنه ماده من 10 درجات بتتحط على حضور الزيارات لان بيتاخد فى الزيارات غياب .. والتقرير بتاع الزيارات اللى بتسلمه ده لالالالالالالالالالالازم .
ولازم التقرير بيشمل صور وكلام من كتب ومن الزياره نفسها من المعيدين الىل بيشرحه ...

- الصفحة الرئيسية اللى هى اول صفحة قبل أى حااااااااااجة خاااالص

اسم الزيارة :……(والاثار التى تم زيارتها)

اسم المعيدين

اعداد : اسم الطالب

تحت اشراف : اسم الدكتور

الفرقة : ……



2- نبدأ بعرض لاثار التى تم زيارتها

اسم الاثر:

رقم الاثر:

الموقع:

المنشئ ونبذه عنه : ده من الكتب يعنى مثلا احمد ابن طولون تتكلمى عنه شوية

تاريخ الانشاء: كله فى مكتبة اسلامى موجود

الوصف المعمارى :



3- بعد الانتهاء من عرض اثار الزيارة الاولى نبدأ بعرض الصور

ويكفى 3 صور لكل اثر.

( 6 زيارات ،3 اثار بكل زيارة عدا شارع المعز ، 3صور فى 3 اثار بـ9 فى 6 زيارات= 54 باقى اثار شارع المعز = حاجة وستين اظن يكفى ):
بس بما انك مع دكتور كحـــلاوى اهم حاجة فى الصور السلبيات يعنى البائعين الىل قدام المساجد الزبالة الكتابة على الحائط وهكــذا
والصوراما ان تقوم بطبعهم فوتغرافى وتلصقهم ع ورق وتوضح الصورة بجمله او تضع الصور ع الورد وتقود بطبعها ع ورد.

بـــس كـــدا يعنى مش حـــدوتة خلاصت الرغى الكتير ده بقى ايـه انك بتكتبى عن كل اثر اربع خمس صفحات او حسب المعلومات اللى معاكى والمعلومات ممكن تجيبها من المكتبة بتاعت قسم اسلامى بسهولة كله موجود فى الكتب بعد الاربع صفحات تعمل اربع خمس صور تلزقيهم فى صفحتين تلاتة وشكـــرا كاد خلاويـــص وهكذا فى كل الزيارات

وبالنسبه للمواد :
بالنسبه لدكتور الكحلاوى ناس كتير بتخوفنى من مادته اوى وانا مش عارفه اعمل ايه

الله يكون فى عونكــوا دكتور كحـــلاوى المادة بتاعته لازم تكونى بتحضرى وبتركزى كويس اوى فى المحاضرات معاااه لانه بيطلب حاجات فى الامتحان بيكون مأكد عليها فى المحاضرات كتيـــر وهى المادة مش سهلة ومش صعبة لدرجة الخوف والرعب بس لازم يتعمل لها اهتمام وتركيز وخاصة انها متعلقة بالزيارات اللى بتروحوها وكمان هو بيكون عنده تعليقات على الزيارات بيقولها فى المحاضرات كتيــر
الدكتور بيحدد الصور المكرر ونمط وشكل الامتحان فى المحاضرات فى الاخر بس حاولى تعرف المنهج ماشى ازاى وتذاكرى واحدة واحدة المحاضرات سوي بقى الحضارة او الاثار ابدأ اقرأ فى المنهج وان شاء الله هتلاقى الكلام بسيط ويتحفظ والامتحانات بتاعت السنين اللى فاتت بتعرفك شكل الامتحان ماشى ازاى


وبالنسبه لماده مبادئ الترميم الامتحان ايه نظامه يعنى مثلا الامتحان هيكون شامل على اجزاء الاربع دكاتره ولا كل دكتور جزءه بيكون امتحان لوحده

الامتحان بيكون عبارة عن ورقتين (الاربع دكاترة فى الورقتين يعنى كل دكتور نص ورقة ^__^) كل دكتور من الاربعة بيكون له سؤال عليه 5 درجات
وكل دكتور بيجيب سؤالين ويقولك جاوب على سؤال واحد فقط يعنى فى اختيارات اهوا مش أجبارى يعنى انتى لو مذاكرة 3 دكاترة كويس اوى ومتاكدة 100% تجاوبى 3 دكاترة بس (ده ملحوظة للفشل مش اكتر )

وماده الانجليزى اللى الدفعه كلها بتقول انها مش فاهمه حاجه فى مادتها امتحانها بيكون شكله ايه

دى بقى المفروض انها مادة بسيطة انجلش عادى خالص الجو بتاع اولى ابتدائى المضارع البسيط والماضى المسمر والكلام ده فى الجرامير
اما الجزء التانى بيكون ترجمــة للتوبيكات الموجودة فى الملزمة بتاعت الدكتورة شوفى حد يكون كاتب الترجمة ورا الدكتورة كويس وحاولى تحفظيها الدكتورة مش بتجيب القطعة كلها بيكون براجراف صغير خمس او ست سطور مش اكتر

شوفى بقى القطع اللى مكرر عليكوا لو موجودة هنا https://archeologist.ahlamontada.com/t1829-topic



اعمل ايه فى ماده د. النبراوى وماده د.ناصر

الامتحان بتاع الدكتور ناصر بيكون كويس مش صعب والمادة دى الصعب فيها بس اسماء الملوك تقيل شوية بس بيتحفظ يعنى فانتى ركزى على الحاجات اللى الدكتور بياكد علهيا فى المحاضرات بتاعته وهى مادة زى التاريخ بتاع الثانوى يعنى كلها حفظ مش صعبة وان شاء الله امتحاناه بيكون كويس مش صعب


هتلاقى هنا امتحانات السنوات الســــــــابقة بس سنة اولى وتانية وشوفى شكل الامتحان بيكون عامل ازاى عشان متكونيش قلقانة من شكل الامتحانات وطريقة الاسئلة
http://civilizationlovers.wordpress.com/2011/12/05/%D8%A7%D9%85%D8%AA%D8%AD%D8%A7%D9%86%D8%A7%D8%AA-%D8%A7%D9%84%D8%A7%D8%B9%D9%88%D8%A7%D9%85-%D8%A7%D9%84%D8%B3%D8%A7%D8%A8%D9%82%D8%A9/?preview=true&preview_id=1848&preview_nonce=cd87ef8c9a#wpcom-carousel-1854

فياريت حد يساعدنى ويفهمنى اعمل ايه واذاكر ازاى وايه نظام امتحان كل المواد مش المواد اللى قولت عليها


ياااريت اكون قدرت افيــــدك بحاجة وان شاء الله الامتحانات هتكون كويسة