جزاك الله كل خير اول مرة اعرف ان في 8 مسلات في ايطاليا
واتمني انهم يرجعوا مصر عشان اكيد هيلاقوا اهتمام من قبل المسئولين خصوصا ان عدد المسلات في مصر قليله علي حد قول د/ شعيب في محاضراته لينا فاكيد مش هنهملها لكن لو لاحظت من الصور هتلاقي في تنافر من حيث وجود المسله في مكان غير مكانها فلو جت مصر واتحطت في مكانها هتكون ذات قيمه اكبر وزي ما بيقولوا هتكون في بيتها
وبما اننا قسم ترميم فولو لاحظت ان من ناحية ملائمه الظروف البيئيه التي توجد حولها انها غير ملائمة من حيث
1-وجود الاشجار بكثافه وهذا ما يساعد علي ارتفاع الرطوبه النسبيه من حولها وده بيساعد علي تاكل الاثر خصوصا لو كان من الحجر ويساعد ايضا علي سرعه نمو الكائنات الحية الدقيقة التي تقوم بافراز بعض الاحماض التي تسبب تاكل للحجر وتتفاعل مع مكوناتها مسببه نحرها , غير وجود الطيور المختلفة التي ينتج عن مخلفاتها تفاعل مع مكونات الاثر عشان كده يعتبر اخطر شئ ان الاثر يوضع في جناين واكيد ان يا ميدو درست الحاجات دي
2- في مسله مسلة لاتيرانيسي ( تحتمس الثالث / تحتمس الرابع ) ساحة سان جيوفاني في لاتيرانو وباقي المسلات هنلاحظ وجود صليب في نهايتها واعتقد انها لو كانت في مصر مكنتش هتكون مش موجوده ده اثر مش كنيسه وده حاصل دلوقتي امال بعدين هيحصل ايه وده يدعم كلام رحال هتتنسي انها مصرية
3- معظم البلاد الاوربيه بلاد صناعيه وطبعا نسبه الامطار الحمضيه بها عالية علي عكس مصر وماادراك اللي بتعمله الامطار دي في الاثر من تلف شديد يضعف من بنيتها
4-ونلاحظ من الصور انها موجوده في ميادين عامة والناس قاعده حوليها بشكل مقزز في عدم احترام للاثر عشان هم مش عارفين قيمتها والمصيبه ان امسلات دي من اهم المسلات المصريه اللي اتخدت من مصر لكن لو في مصر يحذر الاقتراب منها عشان احنا عارفين قيمتها والناس هتكون عارفه دا الجاهل في مصر عارف ان الاثار اهم شئ في مصر لانه دليل علي وجودنا واصلنا والبلد من غير اثر لاقيمه لها علشان كده الناس دي وخده اثارنا وهاملينها كمان شوف البجاحة
فانا عندي الاثار دي تكون مرميه عندنا علي حد قولك بس محدش يستفيد منها ويهملها يالشكل المهين ده مع ان احنا هنحافظ عليها امال احنا دورنا ايه كاثريين اننا ننشر الوعي بين الناس
اتمني ان اكون اقنعت ميدو فزي ما بيقولوا جحا اولا بلحم طورة