فى يوم من أيـام السنــه الجديده وانا لسـه صاحــى مالنــــوم زى كـــل يـــوم مقريف وحــران
رحــت متــاوب ومطمطـع
وواخد الفوطــه الصفــره بتاعتى وحاططها على كتفى وداخل الحمام غسلـت وشــى بالصابونــه اللوكــس أم جنيه وربــع دى وخـت الشــاور الجميـــل وقمــت زى كــل يــوم بـــرده عــامل كبايــة القهـــوه بتاعتى وواخدها وطـالــع فالبلكــونــه عشان النهـارده كانت الشمس حـلوه أوى والجــو جميـــل ومــولـع سجــارتى البيوتيفــول
وطبعـــا حبيبتى ونـــور عنيـــا وحب عمـــرى كلـــه اللى علطــول بحكيلها وبفضفضلهــا الأنســـه بوتشــــى قاعــده على حجــــرى بدلعنـــى وبدلعهـــا
أنا قاعــد بقى فالبلكونه وبوتشـى على حجرى وبشرب كباية القهوه ومولع أحلى سجــاره لقيت جرنــال عالطربيـزه فقلت يا واد افتح شوف الدنيا فيها ايــه وعمل زى ولاد الزوات
أل أتفاجأ بعمنـا محمود الجنــدى واقف فى أول صفحــه بجلبيتـه البيضه والعمه البيضه وسبحتـه البيضه وجزمتـــه برده البيضه يعنى تشوف حـاجه أبيــض فأبيــض كـــده وتحس أن أنت والأولاد قاعديــن فى علبـــة زبــادى وبيقولى أحسبها صــح تعيشهــا صــح
وأنـا مفيش حاجة واجعه قلبى ومسببالى انتفاخات زى الاعلان الغريب ده
تحسبها صح .... تعيشها صح ..
هو والإعلان بتاع ألحق القطر قبل ما يفوتـك يـاعم الحـاج
مستفزززززز جدا ....
ويقولك إيــه ؟؟
واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!!
يا سلااااااام!! طب إيه العلاقه؟؟؟!! ....
وواحد تاني بيوفر فى استهلاك الكهرباء واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!!
وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا على دماغكم إللى بيجيب لاب توب ده؟!!!
وطبعا فى الاخر الجملة الاكثر استفزاززززززززز فى المجرة الارضية متعديش حتى على الهنود
( على فكرة احلى تحية للهنود بتوع النووى يعنـى حبــه كــده ونلاقـى أمير شهيـص نفسـك خــان طالع يهدد امريكـــا )
..... احسبها صح ... تعيشها صح ....
وعليه...... خدوا عندكم بقا.... هِيّا جت عليّا انا يعنى ؟؟؟!! ...
رحـت قاعـد مع نفسى كـــده وحاسبــها صــح وتوصلت لحاجات مهمه جــدا لازم تعرفوها
..............
توتى وفر فى فلوس المخدرات بتاعته وجاب عربية هامر جديده !!
تحسبها صح .... تعيشها صح
نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش راجعه !!
تحسبها صح .... تعيشها صح
سهير بتشرب علبة سجاير واحدة بس بدل اتنين وبفلوسها حجزت شهر فى الفورسيييييزووون فى الرويال سويت!
تحسبها صح .... تعيشها صح
الوله نكش قلِّب باقية فلوس العيش اللى أمـه كانت بتديهالو وبيهم دفع مصاريف الجامعة الامريكية !!
تحسبها صح .... تعيشها صح
عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !!
تحسبها صح .... تعيشها صح
عادل صاحب شركة استيراد خصم من كل الموظفين 10 ايام وبيهم جاب خاتم سوليتير للفيونكه بتاعته !!
تحسبها صح .... تعيشها صح
صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !!
تحسبها صح .... تعيشها صح
طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى !!
تحسبها صح .... تعيشها صح
نداء من شــاب مصـــرى الى اصحاب القلوب الرحيمة وجمعيات الرفق بالانسان والحيوان.... اوقفوا الاعلان ده
مهو يا توقفــوه
يـا توفرولنا أدوية مكافحة الحموووضة
والسـلام عليكم ورحمـة الله وبركـاتـه
عقيـد كولونيـل أركــان حــرب مطـافــى / مكسل اكتب اسمى بقى