مدير عصبى عمل منتدى وديه القوانين

عضويتك تبقي بأسم محترم و ابن حلال و يا ريت تكون بالعربي
مش هقرف نفسي و أقعد أترجم انا و إلا هتتوقف
و أي حد مش عاجبني اسمه هيتوقف

أي رد مفهوم أو غير مفهوم هتتوقف

تشارك من سكات والا هتتوقف

قسم الفرفشة تكتب تعليق و انت ساكت و مش عاوز ضحك والا هتتوقف

قسم المسابقات تلعب من غير أي هزاروالا هتتوقف

ماتقعدش فاتح المنتدي طول اليوم عشان متضغطش علي السيرفر
سيب فرصة لغيرك عشان يتنيل يدخل والا هتتوقف

أي موضوع مكرر أو منقول أو حتي جديد يحذف فورا

قسم الشكاوي مشوفش فيه موضوع واحد و إلا هتتوقف

تخليك في حالك و متتكلمش مع حد من الأعضاء جوة المنتدي أو برة المنتدي والا هتتوقف

ممنوع أي هزار أو تعارف أو تهنئة والا هتتوقف

وممنوع وضع ميلك في بروفايلك والا هتتوقف

توقيعك كلمتين وخلاص لو شفت فيه صوره هتتوقف

ولو رديت ع موضوع القوانين بموافقه او رفض هتتوقف

الي هرد له في موضوع له هيتوقف

خلاص خلصنا القوانين وبرضوا هتتوقف

ههههههههههههههههههههههههه



وبعد مرور يومين ع المنتدي
المنتدي تم تغير اسمه الي (منتدي الموقوفين )
لان مفيش ولا عضو متوقفش
علشان تعرفوا ان احنا فى نعمه
ههههههههههههههه