مادة فنون مصرية قديمة

ببساطة شديدة جداً كان لكل ملك مصري 5 ألقاب ملكية بيحملهم أول ما بيمسك الحكم على طول لأغراض دينية وسياسية .. بتعبر عن
علاقة الملك بالمعبود (ولا اله الا الله) وعلاقته بتوطيد الحكم وهنبدأ بأول إسم بياخده الملك لما بيمسك الحكم

اللقب الحوري:



ظهر في مرحلة ما قبل الأسرات
واتسمى بالحوري لأن اسم الملك بيتكتب جوا علامة السرخ (علامة تمثل القصر الملكي ظهرت قبل ظهور الخرطوش)
وجنب العلامة دي بيترسم حورس ..... ليه بقى بنرسم حورس؟؟
طبعاً كلكم عارفين اسطورة اوزريس وست والصراع اللي حصل بينهم وان اوزيريس فضل انه يحكم العالم الآخر
وولى ابنه حورس (بعد ما انتصر على عمه ست) انه يحكم البشر ... وبما ان الملك هو اللي بيحكم البشر
اذن اصبح الملك هو حورس (الحكم الدنيوي) ولما بيموت بيبقى اوزيريس وبيحكم العالم الآخر ... يبقى أي ملك بيمسك
الحكم بيبقى حورس ... اللي مش فاهم يسأل biggrin.gif
وبما ان الملك بيبقى حورس اذن لازم يعبر عن ده جنب اسمه .. اول ما بيتولى مقاليد الحكم smile.gif




لقب حور نوب:


وهو بتمثل في الطائر الصقر (حورس) واقف على علامة (نوب) واللتي تعني ذهب
في رأيين اتقالوا في اللقب ده ... أولهم ترجم كلمة حور نوب بمعنى حورس الذهبي ... طب اشمعنى حورس الذهبي
محدش عارف!!! ... لكن في رأي تاني وهو الأرجح ترجم كلمة حور نوب بمعنى حورس المنتصر على (نوبت) وزي
ما احنا عارفين ان نوبت (تعني الذهبية) هي المدينة اللي كانت أكبر مركز لعبادة (ست) وطبعاً بما ان حورس قدر
يتغلب على مدينة نوبت يبقى ده معناه انه اتغلب على معبودهم الرئيسي (عمه ست) وده بيتوافق تماماً مع اسطورة
اوزيريس وست ....
ولما الملك بياخد اللقب ده بيأكد للناس ان حكمه شرعي (حورس) قضى على الحاكم المغتصب (ست) زي اتحاد الطلبة
المعين واتحاد الطلبة الحر كدة biggrin.gif




اللقب النبتي:



واللقب ده معناه الربتين (المعبودتين) (لا اله الا انت سبحانك اني كنت من الظالمين)
قبل ما الملك نعرمر يوحد القطرين كانت مصر بتدين بالعبادة لمعبودتين (لا إله إلا الله) رئيسيتين
واحدة للشمال وهي الحية (واجيت) وكانت بتتعبد في بوتو (كفر الشيخ) عاصمة مصر السفلى (الشمال)
قبل الوحدة ... أما الجنوب فكان بيدين بالعبادة لطائر الرخمة (نخبت) وكان مركز عبادتها مدينة الكاب في اسوان
بعد الوحدة بقى كان لازم ... الملك يثبت للرعية انه مسيطر على الشمال والجنوب ... وبما ان الدين دائماً هو حصان
طروادة اللي بتغزى به قلوب الغلابة .. كان لازم الملك يدعي انتسابه للربتين نخبت وواجيت .. عشان يأكد انه مسيطر
على الشمال والجنوب  ظهر اللقب ده في الأسرة الأولى على آثار الملك دن




لقب السا رع:



ويعني ابن الشمس smile.gif
ظهر اللقب ده في الأسرة الرابعة ... وكان ده شئ بديهي جداً .. لأن زي ما احنا عارفين ان ملوك الأسرة الرابعة كانوا
آكثر الملوك تقرباً للشمس دخلوها في اسمائهم (خفرع – جدفرع – منكاورع) وبنوا الأهرامات .. بإختصار كان
الملك بياخد اللقب ده عشان يأكد للناس انه ابن رع وده بيخليه ملك شرعي .. ده راجل بركة جاي من نسل (المعبود رع)
بذات نفسه ... يعني اللي بينورلنا حياتنا ولما بيغرب بيروح ينور للناس في العالم الآخر ... 
وكان السارع بيعتبر اسم الميلاد للملك يعني لما كان ولي العهد بيتولد على طول بياخد الإسم ده عشان يمهد للناس انه
لما هيجي يحكمهم مش هيبقى ملك عادي لأ ده متوصي عليه من فوق ... من عند رع biggrin.gif
لو مسكتوا الجنيه وخليته حوافه متقابلتين هيطلعلكم اللقب ده smile.gif




لقب النسو بيتي:



وده بيعتبر أهم لقب بياخده الملك ... ظهر في الأسرة الأولى على آثار الملك دن .. بس ما استخدمش رسمياً
غير في الأسرة التالتة ... المهم الإسم معناه ايه؟؟ ... الإسم معناه ملك مصر العليا والسفلى ... زي ما احنا عارفين
ان مصر طول عمرها متقسمة اتنين حتى في ايام الوحد ولغاية دلوقتي .. بنقول صعايدة وبحاروة ... وكدة
فكان لازم الملك يثبت للشعب انه مسيطر على الشمال والجنوب (زي اللقب النبتيٍ .. كدة) وكان بيتمثل بعلامة
النحلة (بيت) وهي رمز للشمال وعلامة نبات (السو) وهو رمز للجنوب ...





في لقب تاني ظهر في الأسرة الرابعة ... بس مكنش مستخدم اوي .. وكان الناس بتطلقه على الملوك الجامدة بس
زي الملك سنفرو وهو لقب (نثر نفر) ويعني الإله الطيب ... وده كان بيضفى نوع من القداسة والنأليه على حامل اللقب ده
ودمتم سالمين ... smile.gif

التسلسل التأريخي لملوك الفراعنه


العصر العتيق :
من نحو 3200 ق.م الى 2690 ق.م ويشمل

الأسرة الأولى :
وتتكون من 8 ملوك هم : مينا / عحا / دجر / جت / ديمون / عدج ايب / سنمو / قع

الأسرة الثانية :
وتتكون من 9 ملوك هم : حبت سخموى / نب رع / نى نتر / اونج / سندى / برايب سن / خع سخموى / دجا دجا

عصر الدولة القديمة :

من نحو 2690 ق.م الى 2180 ق.م ويعرف هذا العصر باسم عصر بناة الأهرام، ويمتد من بداية الأسرة الثالثة حتى نهاية الأسرة السادسة.

الأسرة الثالثة :
وتتكون من 5 ملوك هم : زوسر "صاحب الهرم المدرج بسقاره" / سانخت / خع با / نفر كا / حونى

الأسرة الرابعة :
وتتكون من 7 ملوك هم : سنفرو / خوفو "صاحب الهرم الأكبر بالجيزة / جددف رع / خفرع / منكاورع / شبسسكاف / خنت كاوس.

الأسرة الخامسة :
وتتكون من 9 ملوك هم : أوسر كاف / ساحو رع / نفر اير كارع / شبسكا رع / نفر اف رع / نى اوسر رع / منكاو حور / جد كا رع / اسيسى / اوناس.

الأسرة السادسة :
وتتكون من 5 ملوك هم : تيتى / أوسر كا رع / بيبى الأول / مرى إن رع / بيبى الثانى


عصر الأنتقال الأول :
من نحو 2180 ق.م الى 2060 ق.م .. ويتميز هذا العصر بالتدهور الاقتصادى والثورة الاجتماعية ضد الإقطاع وضد الحكومة، وبالرغم من ذلك فقد ازدهر الأدب المصرى القديم. ويمتد هذا العصر من بداية الأسرة السابعة حتى نهاية الأسرة الحادية عشرة .. وتكونت هذه الأسر من ملوك غير معروفين ولم يتركوا فى التاريخ المصرى اثرا يذكر

عصر الدولة الوسطى :

من نحو 2060 ق.م الى 1785 ق.م ويتكون من الاسرتين الحادية عشر والثانية عشرة. ويتميز هذا العصر باعادة توحيد اقاليم الدولة والرخاء الاقتصادى والاستقرار الاجتماعى.

الأسرة الحادية عشرة :
وتتكون من 8 ملوك هم : أمنمحات الأول / سنوسرت الأول / امنمحات الثانى / سنوسرت الرابع / سنوسرت الثالث / امنمحات الثالث / امنمحات الرابع / سبك نفرو رع

عصر الانتقال الثانى :
من نحو 1875 ق.م الى 1580 ق.م ويضم الأسرات من الثالثة عشرة الى السابعة عشرة .. وقد حدثت فيه فوضى واضطرابات بعد احتلال الهكسوس لمصر لمدة 150 سنة تقريبا .. وفى هذا العصر عرفت مصر صناعة العجلات الحربية وازدهرت الروح العسكرية واستعدت مصر للقضاء على الهكسوس فى عصر الأسرة السابعة عشر التى تكونت من 4 ملوك شجعان هم : تاعا / تاعا الأكبر / سقنن رع / كامس

عصر الدولة الحديثة (عصر الامبراطورية) ـ:


من نحو 1580 ق.م الى 1085 ق.م .. وفى هذا العصر حدث تطور حربى عظيم بعد تحرير البلاد من الهكسوس وتكونت الامبراطورية المصرية بعد فتح فلسطين والمناطق السورية جنوبا حتى الشلال الرابع بالسودان .. وعاشت مصر أزهى عصور الرفاهية والثراء، وحدث تقدم عظيم فى الفنون والعلوم والتجارة الخارجية، وبنيت المعابد الكبرى كالكرنك والأقصر .. وأعلنت مصر وحدانية الاله فى عهد اخناتون. ويتكون هذا العصر من ثلاث اسرات هى

الاسرة الثامنة عشرة :
من 1580 ق.م الى 1314 ق.م وتتكون من 14 ملكا هم : أحمس الأول / امنحوتب الأول / تحوتمس الأول / تحوتمس الثانى / حتشبسوت / تحوتمس الثالث / أمنحوتب الثانى / تحوتمس الرابع / أمنحوتب الثالث / أخناتون / سمنخ كارع / توت عنخ أمون / آى / حور ام محب

الأسرة التاسعة عشرة :
من 1314 ق.م 1200 ق.م وتتكون من 11 ملكا هم : رمسيس الأول / سيتى الأول / رمسيس الثانى / مرنبتاح / آمون مس / مون بتاح سبتاح / سيتى الثانى / رمسيس سبتاح / ستخ نخت / رمسيس العاشر / رمسيس الحادى عشر

الأسرة العشرون :
من 1200 ق.م الى 1085 ق.م وتتكون من 7 ملوك هم : رمسيس الثالث / والرابع / والخامس/ والسادس / والسابع / والثامن / والتاسع


عصر الأنتقال الثالث (العصر المتأخر) : من 1085 ق.م الى 332 ق.م

ويبدا هذا العصر ببداية الأسرة الحادية والعشرين وينتهى بنهاية الأسرة الحادية والثلاثين .وفيه اضمحلت احوال البلاد وانفصلت الدول التى كانت تابعة للامبراطورية، وطمع فيها الليبيون والنوبيون فحكموا مصر بعض الوقت. كما احتلها الفرس الى ان غزاها الإسكندر الأكبر.

الاسرة الحادية والعشرون :
من 1085 ق.م الى 950 ق.م وتتكون من 7 ملوك هم : سندس / حريحور / بسيب خنو الأول / باى نزم الأول / أمنم اوبت / سيامون / بسيب خنو الثانى

الأسرة الثانية والعشرون :
من 950 ق.م الى 730 ق.م وتتكون من 9 ملوك من الليبين وهم : ششنق الأول / أوسركون الأول / تاكلوت الأول / أوسركون الثانى / ششنق الثانى / تلكلوت الثانى / ششنق الثالث / باماى / ششنق الرابع

الأسرة الثالثة والعشرون :
من 817 ق.م الى 730 ق.م وتتكون من 6 ملوك هم : بادى باست / ششنق الخامس / اوسركون الثالث / تاكلوت الثالث / أمنرود / اوسركون الرابع

الأسرة الرابعة والعشرون :
من 730 ق.م الى 715 ق.م وتتكون من ملكين هما : شبسس رع / بوكريس

الأسرة الخامسة والعشرون :
وتتكون من 5 ملوك من النوبيين هم : بعنخى / شباكا / سباتاكا / طهرقا / باكارع

الأسرة السادسة والعشرون :
من 663 ق.م الى 525 ق.م وتتكون من 6 ملوك من المصريين الذين استعادوا حكم البلاد بعد طرد النوبيين. وفى عصرها ازدهرت الحضارة وانتعشت التجارة الخارجية. وهم : بسماتيك الأول / نكا الثانى / بسماتيك الثانى / واح إيب رع / أحمس سانيت / بسماتيك الثالث.

الأسرة السابعة والعشرون :
من 525 ق.م الى 404 ق.م وتتكون من 5ملوك من الفرس هم : قمبيز / دارا الأول / جزركسس الأول / ارتكز ركسس / دارا الثانى

الأسرة الثامنة والعشرون :
من 404 ق.م الى 398 ق.م وتتكون من ملك مصرى واحد هو اميرتى الذى انتزع السلطة من الفرس

الأسرة التاسعة والعشرون :
من 398 ق.م الى 378 ق.م وتتكون من 4 ملوك هم : نايف عاو ورد / هجر / بساموت / نايف عاو ورد الثانى

الأسرة الثلاثون :
من 378 ق.م الى 341 ق.م وتتكون من 3ملوك هم : نكتانبو الأول / جد جر / نكتانبو الثانى (وهو اخر الفراعنة المصريين الذين حكموا مصر)ز

الأسرة الحادية والثلاثون :
من 341 ق.م الى 332 ق.م وتتكون من 3 ملوك من الفرس، وهم : ارتكزرسس الثالث / ارسيس / دارا الثالث.

برافو برافو مجهود اكتر من رائع يا اميرة