طاااااالب صااااايع

كان فى طالب فى الجامعة فى كلية العلوم عنده امتحان لماده بتتكلم عن الطيور

ولما قرب الامتحان بتاع الماده دى الطالب ده قعد يراجع ويراجع لحد لما عنية طلعت من المذاكرة

المهم جه يوم الامتحان وهو واثق من نفسه مليون المية انه هاينجح وبتفوق وهايبقى من الاوائل

المفاجأة بقى ان الدكتور بتاع الماده اداهم سؤال واحد بس

يا ترى ايه هوه السؤال

السؤال كان كالاتى :

امامك بعض صور لأرجل بعض الطيور من هذه الصورة اذكر هذه الطيور

يبقى المطلوب ان اخينا ده يبص على الصور ويقول ده كتكوت ده غراب ده نسر كده

صاحبنا راح متعصب وضرب لخمة وكل حاجه طارت من دماغة زى الطيور اللى هايمتحنها بالظبط وكان هايعيط ومعرفش يحل حاجه

راح قايم من على الديسك بتاعه وراح رايح للدكتور بتاع الماده وسلم ورقة الاجابه فاضية

وقاله : تفو عليك وعلى مادتك ....جتك نيله انت والماده اللى بتدرسها ...جتك الأرف

رد عليه الدكتور بكل برود وقاله : اعتبر نفسك ساقط فى الماده دى يا بابا

مافيش لحظات وراح الدكتور منادى على الطالب تانى وقاله : امال فين اسمك يا ولد؟

قام الطالب رافع بنطلونه لحد ركبه وقاله : تعالى بص على رجلى واعرف اسمى منها

ربنا يسترها فى امتحان الترميم بقى ههههههههههههههههههههههههههههههههههههههه

اثرى كبير القسم : مصري

ههههههههههههههههه
ده صايع بجد بقي
جميل اوووي ياميدو